A A A
  • 1981 - Kristín Harpa Höskuldsdóttir
  • 2004 - Hildur Tanja Karlsdóttir
05.09.2017 - 07:01 | Vestfirska forlagiđ,Hallgrímur Sveinsson,Fréttablađiđ,Björn Ingi Bjarnason

Ţráinn Bertelsson heiđrađur fyrir framlag sitt til gamanmynda

Jón Hjörtur Emilsson var verđlaunađur fyrir fyndnustu gamanmyndina en heiđursverđlaun hátíđarinnar fékk Ţráinn Bertelsson lengst til hćgri á mynd.
Jón Hjörtur Emilsson var verđlaunađur fyrir fyndnustu gamanmyndina en heiđursverđlaun hátíđarinnar fékk Ţráinn Bertelsson lengst til hćgri á mynd.
« 1 af 3 »

Gamanmyndahátíð Flateyrar fór fram á helginni á Flateyri. Hátíðin fór að mestu fram í gömlum bræðslutanki sem stendur á Flateyri en á meðal leikstjóra mynda í ár voru Jón Gnarr, Grímur Hákunarson, Benedikt Erlendsson og fleiri. Tæplega 700 manns mættu á viðburði á vegum hátíðarinnar.

Þráinn Bertelsson var heiðraður fyrir framlag sitt til gamanmynda á Íslandi. Veitti hann verðlaununum viðtöku og í framhaldi af því var sérstök heiðurssýning á gamanmyndinni Nýtt líf.

23 íslenskar gamanmyndir voru sýndar á hátíðinni í ár. Áhorfendur völdu fyndnustu mynd hátíðarinnar með kosningu og var það gamanmyndin Frægð á Flateyri eftir Jón Hjört Emilsson sem lenti í fyrsta sæti.

 

“Frægð á Flateyri, eftir Jón Hjört Emilsson var tekin upp á fyrstu Gamanmyndahátíðinni, árið 2016, og er leikin heimildarmynd (mockumentary) sem fjallar um bróðir Jóns, Emil Alfreð Emilsson, sem er að fara á sína fyrstu kvikmyndahátíð, öruggur um að vinna hana, en margt fer út um þúfur í ferðinni,” segir í tilkynningu frá hátíðinni.

Gamanmyndin C-vítamín eftir Guðnýju Rós Þórhallsdóttir lenti í öðru sæti og hlaut titilinn Næstum því fyndnasta gamanmyndin.

« Desember »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31