A A A
  • 1935 - Vagna Sˇlveig Vagnsdˇttir
19.07.2011 - 23:44 | JËH

Ůingeyri ˙tnefnd fri­ar■orp

Fri­arhlauparar ßsamt Dřrfir­ingum og fulltr˙um bŠjarstjˇrnar ═safjar­arbŠjar vi­ steininn sem n˙ er kalla­ur Gunnars fri­arsteinn.
Fri­arhlauparar ßsamt Dřrfir­ingum og fulltr˙um bŠjarstjˇrnar ═safjar­arbŠjar vi­ steininn sem n˙ er kalla­ur Gunnars fri­arsteinn.
« 1 af 3 »
Um tuttugu hlauparar á vegum Friðarhlaupsins (World Harmony Run) komu til Þingeyrar í gærmorgun og útnefndu Þingeyri sem fyrsta friðarþorpið á landinu. Af því tilefni fór fram hátíðleg athöfn við Gunnarsstein, rétt fyrir innan Þingeyri, þar sem fulltrúar bæjarstjórnar Ísafjarðarbæjar veittu viðurkenningunni viðtöku og dætur Gunnars heitins Friðfinnssonar afhjúpuðu skjöld sem aðstandendur Friðarhlaupsins höfðu látið koma fyrir á steininum.

Rúnar Páll Ingólfsson, einn af aðstandendum Friðarhlaupsins, segir að saga Þingeyrar hafi verið ástæðan fyrir útnefningunni. Bærinn sé gamall verslunarstaður sem hafi verið miðstöð margra þjóða, og þar hafi ríkt friður þrátt fyrir ólíkan uppruna fólks. Það hafi því verið við hæfi að minnast friðarins með þessum hætti.

 

Friðarhlaupið er alþjóðlegt kyndilboðhlaup, en það var stofnað af Sri Chinmoy árið 1987. Tilgangur þess er að efla frið, vináttu og skilning manna og menningarheima á milli. Sem tákn um þessa viðleitni bera hlaupararnir logandi kyndil. Hlaupið er skipulagt af alþjóðlegu neti sjálfboðaliða og hefur Ísland verið þátttakandi frá upphafi. Hlaupið í ár hófst 5. júlí á Seltjarnarnesi og því lýkur við Ráðhúsið í Reykjavík næstkomandi föstudag, 22. júlí. Nánari upplýsingar um hlaupið er að finna á heimasíðu World Harmony Run. 

 

Borgný Gunnarsdóttir tók myndir af Friðarhlaupinu og þær eru að finna í albúminu.

« September »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30