A A A
  • 1935 - Vagna Sˇlveig Vagnsdˇttir
Sigur­ur PÚtursson, bŠjarfulltr˙i  ═safjar­arbŠ
Sigur­ur PÚtursson, bŠjarfulltr˙i ═safjar­arbŠ
Sigurður Pétursson oddviti Í-listans í Ísafjarðarbæ og flokksbróðir samgönguráðherra hefur birt grein á svæðisvefmiðlunum þar sem hann segir brýnt að standa við áður markaða stefnu um að flýta Arnarfjarðargöngum. "Nú ríður á að Vestfirðingar standi saman um að framkvæmdir við Dýrafjarðargöng gangi eftir einsog ákveðið hefur verið" segir Sigurður í grein sinni sem ber yfirskriftina "Ekkert hik" og lesa má í heild sinni í Heita pottinum hér neðar. "Sveitarstjórnir á Vestfjörðum, Fjórðungssamband Vestfirðinga og þingmenn kjördæmisins hafa stutt þessa áætlun og hvergi hafa sést merki um að þessir aðilar hafi í hyggju að skipta um skoðun eða beygja af leið. Það er ekki ætlun þess sem þetta ritar og það er ekki ætlun þingmanna Samfylkingarinnar í Norðvesturkjördæmi. Hér má enginn hika, því þá gæti allt tapast" segir Sigurður.

Í sama streng tekur Elías Jónatansson, bæjarstjóri í Bolungarvík. "Það er mikilvægt að ekki verði hvikað frá Arnarfjarðargöngum" segir Elías í samtali við Skutulvefinn. "Vissulega erum við alltaf fylgjandi því að tengja milli byggðarlaga en það má ekki fresta þessari framkvæmd" segir Elías. Hann telur að tenging milli Skutulsfjarðar og Álftarfjarðar sé síðari tíma mál . "Arnarfjarðargöngin verða að hafa forgang og þær vegabætur sem nauðsynlegar eru í framhaldi af þeim hvort sem það eru önnur jarðgöng eða endurbættir vegir" segir hann ennfremur.

 

Ummæli Kristjáns Möller, samgönguráðherra, þess efnis að hann sitji nú undir þrýstingi að fresta Arnarfjarðargöngum en taka göng milil Skutulsfjarðar og Álftafjarðar framfyrir hafa vaki hörð viðbrögð vestfirskra sveitarstjórnarmanna. Halldór Halldórsson bæjarstjóri sagði í ríkisútvarpinu í gær að enginn bilbugur væri á vestifrskum sveitarstjórnarmönnum í þessu máli. Í sama streng tók Anna Guðrún Edvardsdóttir, formaður Fjórðungssambands Vestfirðinga.

 

Ómar Már Jónsson, sveitarstjóri í Súðavíkurhreppi, sagði á bb.is í gær að líklega væri sá þrýstingur sem ráðherrann talaði um kæmi frá íbúum á svæðinu sem eru meðvitaðir um hættuna sem fylgir því að keyra hlíðarnar. Hann minnir á að 1.500 manns hafi skrifað undir áskorun um að rannsóknir og undirbúningur að jarðgangagerð milli Súðavíkur og Ísafjarðar yrði hafnar hið snarasta. „Sveitarstjórn Súðavíkurhrepps tók heilshugar undir þá áskorun. Það er vilji Súðavíkurhrepps að farið verði hið fyrsta í undirbúningsvinnu sem feli í sér ákvörðun um legu og stærð jarðganga á milli Súðavíkur og Ísafjarðar, og ég sé ekkert því til fyrirstöðu að sá undirbúningur verði hafinn hið fyrsta." Ómar segir hinsvegar að samstaða ríki hjá sveitarfélögum á Vestfjörðum um forgangsröðun verkefna.

« September »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30