Fjallað var um þúsundþjalasmiðinn Jón Sigurðsson frá Þingeyri í sjónvarpsþættinum Landanum síðastliðið sunnudagskvöld. Jón hefur komið sér upp aðstöðu í bílskúr á Þingeyri þar sem hann smíðar langspil, hina fornu íslensku fiðlu, og fleiri fágæt hljóðfæri í frístundum. Í þættinum var rætt við Jón og sýndi hann áhorfendum hvernig hann ber sig við hljóðfærasmíðina. Þá léku hjónin Marta Guðrún Halldórsdóttir og Ernir Magnússon á langspil og sungu undir kvæðalag af Norðurlandi.