A A A
  • 1932 - Kristín Kristjánsdóttir
  • 2004 - Óttar Pétursson
  • 2006 - Carmen Kristín Vignisdóttir
Dýrafjörđur. Mynd: bb.is
Dýrafjörđur. Mynd: bb.is
Bæjarstjórn Ísafjarðarbæjar skorar á stjórnvöld að flýta gerð Dýrafjarðarganga, þannig að þau komist í gagnið á næstu fjórum til fimm árum, að því er fram kemur í ályktun sem bæjarstjórn hefur sent frá sér. „Dýrafjarðargöng eru mikilvægasta samgöngubót á Vestfjörðum til að tengja saman þéttbýlisstaði og byggðir Ísafjarðarsýslna og Barðastrandarsýslna.

Dýrafjarðargöng munu leysa af veginn um Hrafnseyrarheiði, einn hæsta og erfiðasta fjallveg á landinu, og stytta leiðina á milli Ísafjarðar og Patreksfjarðar um 27 kílómetra að sumarlagi, en 309 kílómetra að vetri til. Hrafnseyrarheiði er sú heiði sem yfirleitt fyrst verður ófær, af öllum heiðum Vestfjarða, og sú heiði sem síðust er opnuð á vorin. Hrafnseyrarheiði er versta hindrun í frekari samvinnu og samtengingu byggða á Vestfjörðum," segir í ályktuninni.

Bæjarstjórn Ísafjarðarbæjar telur afleiðingar þess mjög alvarlegar, verði samgönguframkvæmd frestað enn einu sinni og hún sett aftast í framkvæmdaröð nýrrar samgönguáætlunar. Þá telur bæjarstjórn að frestun Dýrafjarðarganga sé hættuleg fyrir framtíð byggðar á Vestfjörðum og mun hindra frekari þróun í atvinnu- og byggðamálum.

 

Í greinargerð um ályktunina segir að við endurskoðun vegaáætlunar sem samþykkt var í júní 2010 var ákveðið að á árinu 2012 yrði veitt fjármunum bæði í Dýrafjarðargöng og Norðfjarðargöng, með fyrirheiti um áframhald á fjárveitingum á næstu árum. Þáverandi samgöngunefnd Alþingis sagði í nefndaráliti sínu að samtenging byggða á Vestfjörðum væri að mörgu leyti sérstök og að taka yrði tillit til þess við gerð samgönguáætlunar. Nefndin taldi að gerð jarðganga á milli Dýrafjarðar og Arnarfjarðar myndi efli samgöngur á milli byggða sem nú tengjast saman með malarvegum og verða fyrir verulegum samgöngutruflunum yfir vetrartímann.

 

„Fréttir hafa borist af því að á samgönguáætlun áranna 2011-2022, sem leggja skal fyrir Alþingi á næstunni, sé hugmyndin sú að Dýrafjarðargöng verði aftur sett aftast á framkvæmdaáætlun. Göngin frestist því jafnvel allt til ársins 2022. Þetta er algerlega ófært," segir í greinargerð Ísafjarðarbæjar.

« Desember »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31