A A A
  • 1966 - Konrįš Kristinn Konrįšsson
  • 1974 - Einar Birgisson
  • 1997 - Viktorķa Kristķn Viktorsdóttir
  • 2005 - MIHKEL SILDOJA
  • 2010 - Ęgir Egill Gunnarsson
07.06.2012 - 14:39 | JÓH

Skemmtilegir Dżrafjaršardagar framundan!

Žaš veršur lķf og fjör į Dżrafjaršardögum ķ įr. Myndin er tekin į hįtķšinni 2010.
Žaš veršur lķf og fjör į Dżrafjaršardögum ķ įr. Myndin er tekin į hįtķšinni 2010.
Nú er dagskrá Dýrafjarðardaga að taka á sig lokamynd og ljóst að margir góðir gestir munu koma fram á hátíðinni. Sem fyrr verður hátíðin haldin fyrstu helgina í júlí, eða dagana 29. júní - 1. júlí. Umgjörð hátíðarinnar verður með svipuðu sniði og fyrri ár og má þar nefna að viðburðir eins og kvöldvakan á Víkingasvæðinu, siglingar á víkingaskipinu Vésteini, hoppukastalar, kassabílarallý, harmonikuball og sundlaugardiskó verða á sínum stað. Þá hefur hljómsveitin Papar staðfest komu sína á hátíðina og ætla að halda uppi fjörinu í Félagsheimilinu á laugardagskvöldinu. Gói og Þröstur Leó munu sýna úr leikritinu Gói og baunagrasið, og hljómsveitin The Saints of Boogie street, sem er Leonard Cohen tribute band, verða með tónleika í kirkjunni.

Margar listýningar verða opnaðar á Dýrafjarðardögum og má þar nefna Mægðurnar fimm sem sýna list-og handverk, Einstaka sýningu á Gíslastöðum þar sem myndlist þriggja vestfirskra listamanna eru gerð skil, og sýning nokkurra listamanna í gamla sláturhúsinu á Þingeyrarodda. Þá verður Jói Frank með myndlistasýningu á Hótel Sandafelli en þar verður einnig boðið upp á kökuhlaðborð.

Það verður líka nóg um að vera á veitinga- og skemmtistöðum bæjarins og má þar nefna að uppistandarinn Ari Eldjárn mun skemmta á Veitingahorninu, sem og stórsöngvararnir Matti Matt og Eyþór Ingi. Hljómsveitin Megakukl spilar í Hallargarðinum og Hótel Sandafell framreiðir súpu á bryggjunni.

Allt ofantalið er ekki tæmandi listi yfir viðburði á Dýrafjarðardögum en dagskráin verður birt í heild sinni á Þingeyrarvefnum eftir nokkra daga. Áhugasamir geta einnig fylgst með Dýrafjarðardögum á Facebook.
« Október »
S M Ž M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31