Hemmi Gunn með fóstru sinni Unni Hjörleifsdóttur á Húsatúni í Haukadal og Lubbu. Ljósm. H. S.

Ekki er það nokkur spurning að nú ætti Ríkissjónvarpið að endursýna alla þættina hans Hemma okkar, Á tali hjá Hemma Gunn. Með því ætti ekki að vera alveg eins mikið peningaútflæði hjá stofnuninni. Þetta voru víst einir 200 þættir, einn í viku gerir 200 vikur.

   Í dag er það þannig,  þegar menn ætla að búa til einhverja upprifjunarþætti úr skemmtanalífinu eða bara nefndu það, þá ganga þeir í þennan ómetanlega og frábæra sjóð hjá Hemma. Þættirnir hans eru nefnilega eitt af því besta sem framleitt hefur verið af sjónvarpsefni hér á landi. En hvers vegna má ekki sýna þá í heild með kostum sínum og göllum? Og auðvitað gildir þetta einnig um  Stiklur Ómars Ragnarssonar.  Hvers vegna ekki? Ómetanlegt efni hjá þeim félögum fyrir allar kynslóðir.