A A A
  • 1935 - Vagna Sˇlveig Vagnsdˇttir
02.05.2017 - 22:39 | Vestfirska forlagi­,HallgrÝmur Sveinsson

Sjˇnvarpspistill: - Hrˇs dagsins fŠr Hemmi Gunn meistari sjˇnvarpsvi­talsins!

Hemmi Gunn og h÷fundur ß Hrafnseyri for­um daga. (Munum ekki hver tˇk myndina!)
Hemmi Gunn og h÷fundur ß Hrafnseyri for­um daga. (Munum ekki hver tˇk myndina!)

Ekki er að sjá að nokkur íslenskur sjónvarpsmaður hafi komist með tærnar þar sem Hemmi okkar Gunn hafði hælana viðvíkjandi viðtölum í sjónvarpi. Við hérna fyrir vestan höfum rannsakað þetta mál ofan í kjölinn. Til eru nokkur hundruð viðtöl Hemma við fulltrúa nánast allra stétta og aldurshópa þjóðfélagsins. Við nána skoðun kemur í ljós að hann var ótrúlegur. Fullyrða má að Hemmi hafi verið galdramaður á þessu sviði.  Bókstaflega á heimsmælikvarða hvað samtöl snerti og reyndar fleira. Hann var svo vel undirbúinn að með ólíkindum verður að teljast. Klikkaði aldrei svo vitað sé. Gaman og alvara í bland í innleiðingum spurningum. Hemmi hefur ábyggilega oft komið viðmælendum sínum á óvart. Þannig að svörin voru oftast veitt af mikilli einlægni og gleði.

   Það er með ólíkindum að Sjónvarpið okkar skuli ekki nota sér til dæmis þættina Á tali hjá Hemma Gunn meir en raun ber vitni. Þeir eru víst um 200 talsins!

Er ekki Sjónvarpið komið að þolmörkum af peningaleysi eins og aðrar stofnanir í þessu þjóðfélagi? Þess heldur ætti það að sýna landsmönnum þessa gimsteina því það eru þættirnir  svo sannarlega! Eiginlega mannbætandi miðað við þessar vanalegu kennslustundir í glæpum og djöfulgangi sem Sjónvarpið dælir yfir okkur daglega. Þætti Hemma Gunn mætti sýna einu sinni í viku umbúðalausa í heild sinni. Það myndi gleðja ótrúlega marga ef að líkum lætur. Það er ekkert annað en skutlast eftir spólunum eða diskunum! 

   Að vísu eru varla gerðir þeir skemmtiþættir í dag að ekki séu teknir nokkur skot frá Hemma. En að keyra þættina í gegn í heilu lagi virðist ekki mega nefna, nema kannski 2-3 einhverntíma í fyrra. Hér skulu taldir örfáir menn af handahófi sem sátu fyrir hjá okkar manni og áttu við hann stórmerkileg og jafnvel opinská samtöl.

   Clausen bræður, Gunnar Huseby, Ingimar Eydal, Flosi Ólafsson, Bessi Bjarnason, Ragnar Bjarnason, Árni Tryggvason, Gvendur jaki, Ómar Ragnarsson, Svavar Gests, Hallbjörg Bjarnadóttir, Guðbergur Bergsson, Albert Guðmundsson, Bryndís Schram, Þuríður Sigurðardóttir, Ragnhildur Gísladóttir, Jóhann Pétur Sveinsson, Davíð Oddsson, Jóhanna Sigurðardóttir. Og Elsa Lund, Dengsi, Eiríkur Fjalar. Já, einmitt þau!

   Viðtöl Hemma við smáfólkið eru svo sér á báti. Vera má að einhversstaðar á byggðu bóli séu til svipuð dæmi. Okkur er það þó til efs. 


« September »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & sv÷r