A A A
  • 1897 - Grunnskólinn á Ţingeyri
  • 1925 - Sigurjón Guđbjartur Jónasson
05.06.2015 - 11:00 | Morgunblađiđ,BIB

Sjóarinn síkáti í Grindavík

Frá Grindavík.
Frá Grindavík.
« 1 af 3 »

Sjómanna- og fjölskylduhátíðin Sjóarinn síkáti í Grindavík verður að vanda haldin sjómannadagshelgina 5.-7. júní í til heiðurs íslenska sjómanninum og fjölskyldu hans. Hátíðin hefur fest sig í sessi sem ein fjölbreyttasta bæjarhátíð landsins og árlega sækja hana 20 til 25 þúsund manns.

Boðið er upp á fjölbreytta dagskrá alla helgina og er mikið lagt upp úr vandaðri barnadagskrá. Líkt og undanfarin ár verður bænum skipt upp í fjögur litahverfi.

Skonrokk og sjávardýr


Sjóarinn síkáti verður með ýmsar nýjungar í ár, t.d. Skonrokkstónleika í íþróttahúsinu, fiskasafn með lifandi sjávardýrum í fiskabúrum á bryggjukantinum við hátíðarsviðið, keppnina sterkasti víkingur heims og körfuboltamót fyrir yngri iðkendur, en leiktæki verða einnig á bryggjuballinu á föstudagskvöldið, Sjóara síkátahlaupið og síðdegistónleika á hátíðarsviðinu.


Á sunnudagskvöldið verða Vísissystkinin með minningartónleika í Grindavíkurkirkju um foreldra sína, Palla og Möggu eins og þau Páll H. Pálsson frá Þingeyri, stofnandi Vísis, og Margrét Sighvatsdóttir voru jafnan kölluð. Í tilefni af 50 ára afmæli Vísis er bæjarbúum og gestum Sjóarans síkáta boðið að skoða fiskvinnslu fyrirtækisins undir leiðsögn eigenda.

Sjómaðurinn síkáti býður upp á margt fleira. Umsjón með hátíðahöldunum hefur Grindavíkurbær í samstarfi við Sjómanna- og vélstjórafélag Grindavíkur.

 

Morgunblaðið.

« Nóvember »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30