A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
29.07.2016 - 07:06 | bb.is,Vestfirska forlagið

Sandkastalakeppni í Holti í 20. sinn

Frá sandkastalakeppni í Holti, þar sem ævintýrin gerast.
Frá sandkastalakeppni í Holti, þar sem ævintýrin gerast.
Sandkastalakeppnin í Holtsfjöru í Önundarfirði verður á sínum stað um verslunarmannahelgina og hefjast leikar kl. 13 á laugardaginn 30. júlí 2016.

Keppnin er nú haldin í tuttugasta sinn. Að venju verða veittar viðurkenningar fyrir þrjá bestu sandkastalana og auk þess hlýtur frumlegasti kastalinn sérstaka viðurkenningu.

Fjölnir Ásbjörnsson, sóknarprestur í Holti, hvetur alla til að mæta með skóflur, fötur og sköpunargleðina með sér. Þá lýsir hann eftir fólki í dómarastörf fyrir keppnina. „Það vantar ennþá dómara, helst þrjá,“ segir hann. Biður hann áhugasama um að hafa samband við sig. 


Þátttakendur eru einnig hvattir til að gefa hugmyndafluginu lausan taum og eru efnistök og útfærsla frjáls, einnig er leyfilegt að nota aukahluti til skreytinga ef nauðsyn krefur. Þátttaka er ókeypis og öllum heimil. 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31