A A A
20.08.2008 - 00:59 | skutull.is

Samg÷ngurß­herra vill vekja umrŠ­u

Snjˇmokstur ß Hrafnseyrarhei­i sl. vor.
Snjˇmokstur ß Hrafnseyrarhei­i sl. vor.
Í tilefni af frétt í Svæðisútvarpi Vestfjarða í gær þar sem fram kemur að þrýst hefði verið á ráðherra um að fresta gerð jarðganga á milli Arnarfjarðar og Dýrafjarðar og flýta í staðinn gerð jarðganga milli Skutulsfjarðar og Álftafjarðar hafði Skutulsvefurinn samband við ráðherra og spurðist fyrir um hvernig þessi umræða væri til komin. Kristján Möller samgönguráðherra vildi koma á framfæri að hann hefði ekki síður átt við almenning í því sambandi en margir hefðu komið að máli við hann þegar hann var á ferðalagi um Vestfirði í vikunni og hreyft við málinu.

Ekki vildi ráðherra þó nafngreina neina viðmælendur sína en sagði sjálfsagt að vekja um þetta umræður og ræða málið og þá sérstaklega á fjórðungsþingi en í samþykktum fjórðungssambandsins er hvergi minnst á göng milli Skutulsfjarðar og Álftafjarðar. Þá vildi Kristján minna á að vissulega hefðu margir sveitarstjórnarmenn hvatt hann til að hvika ekki frá gerðum áætlunum.

 

Óhætt er að segja aðnokkur hiti hefur hlaupið í þá umræðu sem með þessu hefur nú verið vakin og finnst mörgum sem verið sé að grafa undan þeirri samstöðu sem ríkt hefur um gerð jarðganga á milli Dýrafjarðar og Arnarfjarðar. Um þetta segir ráðherra að svo þurfi ekki að vera, heldur sé nauðsynlegt að sveitarstjórnarmenn á Vestfjörðum sem og aðrir ræði þessi mál í samhengi. Fram hafa komið hugmyndir um að vígja göng milli Dýrafjarðar og Arnarfjarðar á 200 ára ártíð Jóns Sigurðssonar sumarið 2011 og segir Kristján það góða hugmynd.

« Desember »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31