A A A
28.04.2015 - 06:49 | Hallgrímur Sveinsson

Saga úr Arnarfirđi:

Séra Tómas Jónsson safnvörđur býr sig undir slátt á Hrafnseyri. Í dyrum gamla bćjarins er Guđrún Sigríđur Steinţórsdóttir, eiginkona hans. Ţađ var mikil framför ţegar hestasláttuvélarnar komu! Ljós.: H. S.
Séra Tómas Jónsson safnvörđur býr sig undir slátt á Hrafnseyri. Í dyrum gamla bćjarins er Guđrún Sigríđur Steinţórsdóttir, eiginkona hans. Ţađ var mikil framför ţegar hestasláttuvélarnar komu! Ljós.: H. S.
« 1 af 2 »

Afi og alnafni Jóns Sigurðssonar: Tveir pottar af brennivíni í mál!

 

 Nú er rétt að segja frá því, að séra Jón Sigurðsson (1740-1821), prestur á Stað á Snæfjallaströnd, sem var bóndasonur frá Ásgarði í Grímsnesi, tók við stað og kirkju á Hrafnseyri vorið 1786.

Séra Jón Bjarnason, sem prestur var næst á undan nafna sínum, lýsir húsakynnum á prestssetrinu nokkru áður svo:

„Staðurinn er mikið forn og flest hús komin undir fall, hús öll í jörðu grafin og veggirnir ekki nema gilding að innan.“ Það er sem sagt köld aðkoman á höfuðbólinu. En skemmst er frá því að segja, að séra Jón Sigurðsson byggði nýjan bæ á staðnum

um 1800 og hefur sá bær nú verið endurbyggður, þó margt sé þar ólíkt innan stokks. Öll önnur hús endurreisti hann í embættistíð sinni með myndarlegum hætti.

   Séra Jón var þríkvæntur. Fyrsta eiginkona hans var Ingibjörg, dóttir Ólafs lögsagnara Jónssonar á Eyri í Seyðisfirði og konu

hans, Guðrúnar Árnadóttur. Með henni eignaðist hann dóttur og þrjá syni sem upp komust. Séra Jón var hinn liprasti prestur, en nokkur drykkju-og skapdeildarmaður og fékk af því viðurnefnið Hrafnseyrar-Orri.

Séra Eggert Jónsson, sem prestur var á Álftamýri um skamma hríð, sagði svo frá, að stundum hefði Hrafnseyrar-Orri komið út að Álftamýri um helgar og drukkið þá tvo potta brennivíns á laugardagskvöldi, aðra tvo á sunnudagsmorgni fyrir messu og að afloknu embætti bætt á sig enn tveimur pottum og er ekki ólíklegt að nokkuð sé hér fært í stílinn.

                  
(Vestfirska forlagið: Maður sem lánaðist)

« Nóvember »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30