Vestfjarðagöngin opnuð fyrir umferð þann 20. desember 1996.

Þegar byrjað var að sprengja Vestfjarðagöngin undir Breiðadals- og Botnsheiðar var fyrst sprengt með viðhöfn þar sem gangamunninn er í Tungudal. Mættu þar nokkur útvalin stórmenni, þar á meðal þáverandi samgönguráðherra, Halldór Blöndal, sem átti að snúa sprengihandfanginu.

Einnig voru þar menn frá Vegagerðinni, meðal annarra þeir Björn Harðarson staðarverkfræðingur og Björgvin Guðjónsson jarðfræðingur.

Þeir félagar Björn og Björgvin sáu um undirbúning ráðherrasprengingarinnar og annað sem máli skiptir við slík tækifæri. Gæta

þurfti alls öryggis og þar á meðal að viðstaddir fengju öryggishjálma. Þegar hjálmunum var útbýtt kom í ljós að tvo hjálma vantaði.

Þá kallaði Björn Harðarson:

Sveinbjörn Veturliðason og Guðmundur Gunnarsson þurfa ekki hjálma. Þeir eru vanir menn.

Þessir heiðursmenn voru þá starfsmenn Vegagerðarinnar á Vestfjörðum og voru að sjálfsögðu við þessa merku athöfn.

Björn bætti svo við um leið og hann rétti ráðherranum hjálm:

Þeir sem hafa veikustu hausana eiga að vera með hjálm.