A A A
01.04.2016 - 22:16 | Hallgrímur Sveinsson,Vestfirska forlagiđ

Rússafiskur aftur til vinnslu á Ţingeyri! Síđbúiđ aprílgabb

Ţessi rússneski togari kom til Ţingeyrar međ rússafisk rétt fyrir jólin 1997. Ljósm. H. S.
Ţessi rússneski togari kom til Ţingeyrar međ rússafisk rétt fyrir jólin 1997. Ljósm. H. S.

Af óðviðráðanlegum ástæðum komst 1. aprílfréttin okkar ekki inn á Þingeyrarvefinn í tíma í dag. En betra er seint en aldrei!

Sú var tíðin að stór skip af öllu tagi sáust í Þingeyrarhöfn. En það er liðin tíð í bili alla vega, hvað sem verður síðar. En nú er uppi annar óður. Hvað haldið þið. Er ekki bara væntanlegur í dag til Þingeyrar rússneskur togari sem hefur verið breytt í frystiskip. Er hann með um 200 tonn af blönduðum fiski, sem er heilfrystur og kemur í pokum. Fer hann til vinnslu í frystihúsi Fáfnis hf. Er hann þýddur þar og unninn. Er hann þá tvífrystur og kallast rússafiskur. Fer á markað í Kína fyrir sæmilegt verð.

   Fyrir um 20 árum kom fjöldinn allur af rússneskum togurum til Þingeyrar með frystan fisk úr Barentshafi. Þessi skip voru nú sum hálfgerðir dallar, satt að segja. Og strákagreyin hálf vansælir að sjá sumir. Skipverjar vildu óðir og uppvægir versla við innfædda. Þeir áttu að vísu enga peninga, en fóru fram á vöruskipti. Það sem þeir helst vildu kaupa voru Lada bílar, sem voru framleiddir heima hjá þeim í Rússlandi svo og aðrir bílar þaðan upprunnir eins og Rússajeppar. Máttu jafnvel vera hræ. Það var nefnilega 10 ára afgreiðsufresur á Lada bílum þá í ríki alþýðunnar og varahlutir ekki til.

    Og hvað skyldu þeir hafa haft upp í vöruskiptin? Jú, það voru rússneskar loðhúfur af fínustu sort og Vodka, en það er mjöður á flöskum sem sumir kalla Volka hér fyrir vestan.  Nú hefur komið skeyti til hafnarstjórans frá rússneska togaranum, sem ber nafnið Ordzonikidse, þar sem hann tilkynnir að þeir séu væntanlegir til hafnar á Þingeyri í dag kl. 17,00. Það fylgir sögunni að þeir vilji endilega hafa vöruskipti við innfædda. Nú vilja þeir einkum kaupa sígarettukveikjara, tyggjó og nælonsokka fyrir konur sínar. Annað kemur til greina líka. Og borga í sama gjaldeyri og forðum: Loðhúfum og Volka. Þeir sem hafa áhuga á að versla við þá þurfa að senda þeim tölvupóst og taka fram hvað þeir hafi að bjóða. Netfangið þeirra er krussjeff@tortola.is

« September »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör