A A A
22.07.2010 - 13:14 | bb.is

äRŠturnar eru fyrir vestanô

Gu­bj÷rg Lind vi­ Vertsh˙si­.
Gu­bj÷rg Lind vi­ Vertsh˙si­.
„Í byrjun sá ég mig fyrir mér á bleiku skýi með trönurnar úti á túni fyrir ofan húsið en reynslan hefur nú verið í þá veru að maður hefur verið meira með hamar og sög í hönd en málningarpensil," segir myndlistarmaðurinn Guðbjörg Lind Jónsdóttir en hún keypti gamalt hús á Þingeyri ásamt manni sínum Hirti Marteinssyni fyrir nokkrum árum og hefur smátt og smátt staðið að endurbótum á því. „Rætur mínar eru því fyrir vestan. Þegar maður er kominn á ákveðinn aldur er eins og ræturnar togi sterkar í mann. Því hafði ég haft það í huga að það væri gaman að eignast lítið hús eða vera með einhverja aðstöðu fyrir vestan. Ég hafði því haft augun opin þegar ég kom til Ísafjarðar hvort það væri ekki einhvers staðar lítið hús til sölu. En ég fann aldrei neitt og svo æxlaðist það nú svona að ég lenti á Þingeyri," segir Guðbjörg Lind í miðopnu Bæjarins besta í dag en hún er fædd og uppalin á Ísafirði.

Guðbjörg segist kunna afar vel við sig á Þingeyri sem sé sannkallaður menningarbær „Þrátt fyrir að ekki séu margar menningarstofnanir sem slíkar á Þingeyri finnur maður fyrir mikilli menningu meðal fólksins. Hér er mikil sagnahefð og mér finnst ég aldrei hafa heyrt eins mikið af gömlum sögum og frá því að ég kom til Þingeyrar."

Nýverið stofnaði Guðbjörg Lind Minningasafnið í húsinu en tilgangur þess er að vera hýsill skapandi verkefna á sviði mynd- og ritlistar, þjóðfræði og sögu í því skyni að auðga menningarlíf í Dýrafirði. Í Minningasafninu setti Guðbjörg nýlega upp sýninguna Þögul mynd af húsi sem er nokkurs konar menningarlegur fornleifagröftur þar sem gamlir munir er fundist hafa við endurbætur á húsinu eru settir í nýtt myndrænt samhengi. Þrátt fyrir að sýningunni sé lokið ætlar Guðbjörg að hafa hana opna um helgina. Gefst því þeim sem misstu af henni tækifæri til að berja þessa óvenjulegu sýningu augum.
« September »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30