Bryggjukaffið er til húsa í hinu gamla musteri Mammons á Flateyri þar sem flestir fengu lán í gamla daga, til dæmis ef þeir þurftu að koma sér upp þaki yfir höfuðið. Ljósm. H. S.

Það er tekið á móti mönnum með handabandi, líkt og Sullenberger gerði er hann opnaði Kost í Kópavogi. Ljósm. H. S.

3. Hér sitja spekingarnir til borðs og háma í sig heimabakaða meðlætið! Ljósm H. S.

« 1 af 3 »

Hjónin Þorbjörg Sigþórsdóttir og Sigurður Hafberg opnuðu þennan nýja veitingastað 3. júní í vor. Bryggjukaffið þeirra er staðsett í hinu fornfræga húsi Sparisjóðsins á Flateyri þar sem allir peningarnir voru geymdir í gamla daga.

Á efri hæðinni er gistirými fyrir allt að 12 manns. Svo er meðlætið aldeilis fínt hjá henni Tobbu. Gulrótarkakan er sko ljúffeng með kaffinu. Að maður tali nú ekki um frönsklu súkkulaðikökuna og  döðlustykkin.

Góð aðsókn hefur verið að þessum nýja, laglega veitingastað í sumar og er reiknað með að þar verði opið út september.