Gísli Gíslason á Uppsölum.

   Þeir bræður þrír, Gísli, Sigurður og Gestur,  bjuggu allir með móður sinni að Fremri-Uppsölum í Selárdal í Arnarfirði, meðan hennar naut við. Ráðskona, ung stúlka, var fengin henni til aðstoðar eitt sumar. Helst þótti Sigurður gera hosur sínar grænar fyrir henni, en eitthvað fór lítið fyrir dugnaði hans á því sviði, eða að stúlkan hafi ekki kært sig um nánari kynni við bóndasoninn, en hún var horfin til síns heima að hausti.
Gísla varð þá að orði:

   Ég skil ekkert í honum Sigga að reyna ekki betur að halda í stúlkuna, eins og hún bjó nú til góðan rauðgraut.

                                             (Sögn Hafliða Magnússonar)