A A A
  • 1956 - Jan L Hatten-Svenna
  • 1970 - Guđrún Rakel Brynjólfsdóttir
  • 1988 - Pétur Eggert Torfason
26.02.2017 - 20:25 | Vestfirska forlagiđ,Hallgrímur Sveinsson

Nú er lag: - Hvađ höfum viđ veriđ ađ röfla hér á Ţingeyrarvefnum?

Hallgrímur Sveinsson. Staddur á Toppi Rockefeller Center í hinni miklu fjármálaborg New York í sept. 2008. Sama daginn og Lehman Brothers fóru á hausinn. En ţađ var víst ekkert ţeim félögum ađ kenna! Ljósm.: Ţorgeir Eyjólfsson.
Hallgrímur Sveinsson. Staddur á Toppi Rockefeller Center í hinni miklu fjármálaborg New York í sept. 2008. Sama daginn og Lehman Brothers fóru á hausinn. En ţađ var víst ekkert ţeim félögum ađ kenna! Ljósm.: Ţorgeir Eyjólfsson.

Jæja, nú er lag að rifja upp hvað við höfum verið að bolloka hér á Þingeyrarvefnum undir hatti Vestfirska forlagsins. Hér verða nefnd ýmis þjóðþrifamál sem hafa verið á dagskrá. Kennir þar margra grasa. Er það að gefnu tilefni frá í gær frá honum Nonna Björgvins.

Það hafa ekki alltaf verið bara fréttir um ekki neitt! Þetta er nú nokkuð langur listi. En tökum aðeins nokkrar stikkprufur af fyrirsögnum með smá skýringum. Þær segja sitt.  

Nonni Björgvins segirá bb.is: „En markmið opinnar umræðu í réttu formi er að fá fram nýjar hugmyndir og nýjar lausnir og við erum ekki óvinir þegar við skiptumst á skoðunum.“

Þetta er mergurinn málsins!

 

Upp með smáfyrirtækin! Menn eru að sjá það núna að smáfyrirtækin eru hreinlega undirstaðan að góðum efnahag margra þjóða.

Kaupverð er ekki gefið upp! Það má náttúrlega ekki, því þá geta menn misst spón úr aski sínum. Það má enginn vita af þessu!

Vestfirðir og sauðkindin. Vestfirðingar eru einfaldlega sérfræðingar í sauðfjárrækt. Samt er fullkomin hætta á að hún leggist nánast niður hér í fjórðungnum.

Óstarfhæft Alþingi og ónýt stjórnsýsla. Á hverjum degi koma upp mál sem sýna að í stjórnsýslu okkar ríkir einhvers konar happa-og glappaaðferð.

Niður með bankaleyndina! Allir mestu peningaglæpamenn sögunnar hafa bankaleyndina fyrir skjöld og brynju. Af hverju þarf það að vera „top secret“ hvað menn eiga mikla peninga og hvar þeir eru geymdir?

Hverjum var verið að borga og fyrir hvað? Það á ekki að vera neitt leyndarmál hverjir fá greitt fyrir ýmsa þjónustu úr ríkissjóði eða öðrum sjóðum almennings

Það vantar meiri húmor! Ef við höfum ekki gaman af þessu, getum við bara hætt, sagði Kata við Óðinn. Þarf ekki að rökstyðja nánar.

Opið bréf til Hagræðingarhóps fyrri ríkisstjórnar. Hópurinn starfaði heilmikið að sögn. Fékk meira að segja tillögur frá okkur hér fyrir vestan. Fór þetta allt niður í skúffu?

Aldingarðurinn Vestfirðir. Það drýpur smjör af hverju strái á Vestfjörðum. Við þurfum bara að vera menn til að nýta þau hlunnindi. Annars getum við bara lagt okkur.

Opinberir starfsmenn: Þjóðarnauðsyn að fækka í hljómsveitinni. Þurfa þeir að vera  svona margir? Upplýsingar um fjölda ríkisstarfsmanna eftir landshlutum eru af skornum skammti, segir Byggðastofnun. Merkileg stjórnsýsla!

Við þurfum nýja sýn gagnvart erlendum ferðamönnum. Allir erlendir ferðamen nema börn og unglingar ættu að greiða sérstakt Íslandsgjald. Fimm þúsund krónur á mann er lágmark fyrir landið okkar. Ferðamennirnir fá það til baka á ýmsan hátt. Þeir skilja þetta margir sjálfir. Hvenær skildum við Íslendingar fatta þetta?

Hreppstjórar. Skipta landinu í 100 hreppstjóraumdæmi þar sem gjörkunnugir menn með sýnilegt lögregluvald (stjörnu og hreppstjórahúfu!) væru lögreglu til aðstoðar við að leiðbeina og stjórna ferðafólkinu . Hluti af Íslandsgjaldinu notaður í þessu skyni.

Kvótamálin. Hluti Vestfirðinga hefur stórgrætt á sölu aflaheimilda. Margir þeirra fengið í staðinn hestburði af peningum. Hverjir skyldu þetta vera?

Að lesa og skrifa list er góð. Í gömlu barnaskólunum var lögð höfuðáhersla á lestur, skrift og reikning. Í dag getur stór hluti unglinga ekki lesið sér til gagns.

„Betra að fara tvisvar.“ Svo sagði Einar Guðfinnsson í Bolungarvík. Hann sagði það hafa reynst sér betur að semja frekar um skuldir sínar en fela sig fyrir skuldheimtumönnunum. Hann skildi ekki hvers vegna sumir sem skulduðu í  verslun hans forðuðust hann eins og heitan eldinn!


 

 

« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör