Gunnar og Sigurveig frá Nesi voru að skoða varninginn í Koltru með veskið á lofti þegar við smelltum þessari mynd af þeim. Smá rabb um liðna tíma fylgdi með. Vettlingarnir eru sko flottir! Ljósm.: H. S.

Gamla Salthúsið frá 1778. Þar er nú Koltra og Upplýsingamiðstöðin til húsa. Ljósm.: H. S

« 1 af 2 »

Ragnheiðar Önnudóttir var nýlega kjörin formaður í handverkshópnum Koltru á Þingeyri. Tók hún við því starfi af Borgnýju Gunnarsdóttur sem gegnt hefur því af mikilli prýði í fjölda ára. Í stjórninni með Ragnheiði eru þær Ásta Kristinsdóttir, Margrét Guðjónsdóttir, Valdís Bára Kristjánsdóttir og Marsibil Kristjánsdóttir.

Að sögn Ragnheiðar hefur verið metsala í prjónlesi og öðrum vörum hjá þeim í sumar í Salthúsinu. Margir, einkum útlendingar, kaupa sér ullarpeysur af ýmsu tagi, bæði venjulegar og hnepptar. Sumir kaupa sér húfur og sokka og vettlingarnir stoppa ekki við. Ragnheiður segir að útlendingar hafi verið í miklum meirihluta gesta í sumar.

Lokað verður hjá Koltru 1. september.