Kirkjurúst til hægri og kirkjugarður til vinstri. Mosdalur í baksýn. Ljósm.: H. S.

Það vantar ekki gjallið! Þarna hefur greinilega verið mikil járnframleiðsla. Ljósm.: H. S.

Bóndinn í skálarústunum. Auðkúla og Ánarmúli í baksýn. Ljósm.: H. S.

Allt þetta gjall sýnir að þarna hefur verið mikill skógur í gamla daga. Ljósm.: H. S.

« 1 af 4 »

Fyrir nokkrum árum kom Guðný Zoega fornleifafræðingur að Auðkúlu í Arnarfirði til að skoða gamlar húsaminjar eða rústir í svokölluðum Parti sem er utan við Auðkúluána. Var það að frumkvæði Hreins Þórðarsonar bónda þar á bæ. Guðný er gömul vinkona hans frá því hún var að alast upp í Mjólkárvirkjun á sínum tíma. Þessi skoðun hennar leiddi ýmislegt áhugavert í ljós. Unnið var svo í 2 vikur í sumar að nánari rannsókn umræddra minja undir stjórn Margrétar H. Hallmundsdóttur, fornleifafræðings hjá Náttúrustofu Vestfjarða.

Í ljós komu eftirfarandi fornleifar:

1. Kirkja og kirkjugarður.
2. Bygging sem er líklega skáli, 17 – 18 metra langur.
3. Leifar af járnvinnslu. Mikið af gjalli fannst á svæðinu, en smiðjan ófundin.

   Nú er beðið eftir aldursgreiningu á fornleifunum á Auðkúlu.