A A A
  • 1940 - Sigríđur Bryndís Helgadóttir
  • 1983 - Laufey Björk Sigmundsdóttir
  • 1984 - Sigurđa Kristín Leifsdóttir
  • 1997 - Agnes Sólmundsdóttir
06.01.2017 - 07:01 | Vestfirska forlagiđ,Morgunblađiđ

Marvin G. Hallmundsson - Fćddur 3. október 1931 - Dáinn 17. desember 2016 - Minning

Marvin G. Hallmundsson (1931 - 2016)
Marvin G. Hallmundsson (1931 - 2016)
Marvin G. Hallmundsson fæddist 3. október 1931. Hann lést 17. desember 2016 á hjúkrunarheimilinu Sunnuhlíð.

Foreldrar hans voru Guðrún Jóna Guðmundsdóttir, f. 18.7. 1899 í Miðhlíð í Dýrafirði, d. 27.12. 1998, og Guðni Hallmundur Jónsson, f. 6.7. 1898 á Felli í Dýrafirði, d. 8.2. 1977.

Systir Marvins er Jónasína, f. 21.11. 1938.

Marvin kvæntist Ólöfu Árnadóttur 24.12. 1956. Ólöf var f. í Neskaupstað 17.4. 1930, d. 26.2. 1997.
Þeim varð þriggja barna auðið, sem eru:
1) Hallmundur, f. 26.8. 1957, kvæntur Guðrúnu Jónsdóttur og eiga þau þrjú börn, Maríu, Auði Ósk og Steinunni.
2) Gyða María, f. 10.8. 1960, gift Vilmundi Tryggvasyni og eiga þau þrjú börn, Guðrúnu Höllu, Ólöfu Maríu og Tryggva.
3) Eysteinn, f. 27.3. 1969, kvæntur Guðrúnu Waage og eiga þau þrjú börn, Marvin Snæ, Stefaníu Ósk og Dagbjörtu Nönnu. Eysteinn á eina dóttur fyrir, Kristínu Dögg.
Langafabörn Marvins eru alls 15.

Útför Marvins fer fram frá Kópavogskirkju í dag og hefst athöfnin klukkan 13.

 

______________________________________________________________________


Minningarorð Hallmunds Marvinssonar

Pabbi fluttist frá Dýrafirði um 18 ára aldur suður til Reykjavíkur á vit nýrra ævintýra. Hann fékk vinnu hjá Ríkisskipum og starfaði sem þjónn á strandferðaskipinu Heklunni. Marvin hóf nám í húsasmíði hjá Guðmundi Jóhannssyni og lauk sveinsprófi 1957.

Pabbi kynntist móður minni, Ólöfu Árnadóttur, dóttur hjónanna Gyðu Steindórsdóttur og Árna Daníelssonar frá Neskaupstað. Systkini hennar eru Ármann Dan, látinn, Guðný, látin, Steindór, Hjörtur, látinn, Helgi, látinn, Stefanía, Alfreð og Ari Dan. Foreldrar mínir hófu búskap sinn í Miðstræti 8 í Reykjavík, síðar bjuggu þau sér heimili að Rauðalæk 17 og þaðan fluttum við að Hraunbraut 47 í Kópavogi.

Hann var mikill félagsmálamaður, starfaði í stjórn Trésmíðafélags Reykjavíkur í félagi ungra Framsóknarmanna og var á lista vegna borgarstjórnarkosninga, sat í bygginganefnd Kópavogs fyrir Framsóknarflokkinn. Hann var til langs tíma í Lionsklúbbnum Munin í Kópavogi, einnig söng hann með Söngvinum, kór eldri borgara í Kópavogi, þar sem hann var formaður um skeið. Hann starfaði lengst af hjá Trésmiðju Hákonar og Kristjáns í Kópavogi þar til þeir hættu starfsemi, þá fór hann til Húsasmiðjunnar starfaði þar sem sölumaður þar til hann varð sjötugur. Við keyptum lítið iðnaðarhúsnæði í Auðbrekku og var komið að því að flytja dótið úr bílskúrnum á Hraunbrautinni sem var nokkuð flókið mál, mikið af tólum og tækjum og stórar stæður af spýtukubbum sem ekki mátti henda, það var aldrei að vita hvenær yrðu not fyrir þá. Hann fór í frí austur á Neskaupstað en sagði við okkur bræður að við þyrftum að vera búnir að henda því sem henda átti þegar hann kæmi til baka.

Margar minningar koma upp í hugann þegar sest er niður, ferðalög með vinafólki Huldu og Inga, Lórens og Jórunni og börnum þeirra, svo og veiðitúrar með frændfólki að austan. Pabbi var hafsjór af fróðleik og aldrei keyrt um landið öðruvísi en að hann teldi upp bæjarnöfn og ábúendur hvar sem var á landinu. Við feðgar unnum lengi saman, ég lærði undir hans leiðsögn hjá Hákoni og Kristjáni. Eftir að hann hætti hjá Húsasmiðjunni vorum við saman daglega, það var ekki amalegt að hafa þann viskubrunn sér við hlið enda oft gott að ráðfæra sig við hann um ýmis verkefni. Það var oft fjölmennt á verkstæðinu enda pabbi vinamargur og bóngóður maður, þá var drukkið kaffi og tekið í nefið. Í Húsasmiðjunni fékk hann sérstakan neftóbaksstyrk því menn komu langan veg til að versla og fá sér í nefið hjá Marvin.

Hann kynntist Ólöfu Ólafsdóttur og voru þau góðir vinir, ferðuðust innanlands sem utan, fóru á tónleika, í leikhús og dönsuðu saman en hann hafði sérlega gaman af því.

Elsku pabbi, nú er komið að kveðjustund og fyrir margt er að þakka, góða fyrirmynd, gott samstarf en þó sérstaklega góðan föður og vin.

 

Þinn sonur,

Hallmundur.

 

 

Morgunblaðið 5. janúar 2017.

 

 






« Maí »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör