Á heima­slóðum Lilja Raf­ney með Suður­eyri við Súg­anda­fjörð í bak­sýn.

Börn og barna­börn. F.v.: Ein­ar Kári, Harpa Rún, Auður Lilja, Lilja, Hilm­ar Daði, Jó­fríður Ósk og Gunn­ar Freyr.

« 1 af 3 »

Á vet­urna tók svo skól­inn við, heima á Suður­eyri og leik­ir og störf með öðrum krökk­um. Við fór­um í ís­jaka­hlaup í Litlu höfn­inni í löngu frí­mín­út­um og drolluðum oft niðri á bryggju, vor­um að þvæl­ast um borð í bát­ana, feng­um að fara með þeim á milli bryggjuplássa og mauluðum kex með mjólk í lúk­arn­um. Þetta voru ekki hættu­laus­ir leik­ir en þótti mikið sport.“

Lilja lauk grunn­skóla­prófi frá Héraðsskól­an­um á Reykj­um í Hrútaf­irði 1973 og hef­ur síðan sótt ýmis nám­skeið.

Lilja starfaði hjá Íslenskri miðlun við tölvu­skrán­ingu og síma­sölu og hef­ur auk þess starfað við versl­un og fisk­vinnslu. Lilja var odd­viti Suður­eyr­ar­hrepps 1990-94, starfsmaður sund­laug­ar og íþrótta­húss Suður­eyr­ar.

Hún var formaður Verka­lýðs- og sjó­manna­fé­lags­ins Súg­anda 1988-2004, var vara­for­seti Alþýðusam­bands Vest­fjarða 1990-92 og frá 1998, sat í orkuráði 1995-99, í stjórn Byggðastofn­un­ar 1999-2003, í stjórn Ísland­s­pósts hf. 2000-2013 og var vara­formaður í stjórn 2009-2013, hef­ur setið í full­trúaráði Fræðslumiðstöðvar Vest­fjarða frá 2000, í stjórn Verka­lýðsfé­lags Vest­f­irðinga 2004-2013, í hafn­ar­stjórn Ísa­fjarðarbæj­ar 2006-2009, í sam­ráðsnefnd um veiðigjöld frá 2014.

Lilja var varaþingmaður fyr­ir Alþýðubanda­lagið í Norðvest­ur­kjör­dæmi 1993-98 og fyr­ir Vinstri­hreyf­ing­una – grænt fram­boð 2007, hef­ur verið alþing­ismaður Norðvest­ur­kjör­dæm­is fyr­ir Vinstri­hreyf­ing­una – grænt fram­boð frá 2009.

Lilja sat í fé­lags- og trygg­inga­mála­nefnd Alþing­is 2009-2010 og 2010-2011, sat í heil­brigðis­nefnd 2009-2010, iðnaðar­nefnd 2009-2011, sam­göngu­nefnd 2009-2011, þing­manna­nefnd til að fjalla um skýrslu rann­sókn­ar­nefnd­ar Alþing­is 2009-2010, efna­hags- og skatta­nefnd 2010-2011, sjáv­ar­út­vegs- og land­búnaðar­nefnd 2011 og var formaður henn­ar, sat í mennta­mála­nefnd 2011, at­vinnu­vega­nefnd 2011-2013, 2013-2016 og frá 2017, í efna­hags- og viðskipta­nefnd 2011-2013, vel­ferðar­nefnd 2013-2014, í kjör­bréfa­nefnd 2016-2017, Íslands­deild Vestn­or­ræna ráðsins 2009-2013, 2014-2016 og frá 2017.

Lilja hef­ur ekki verið upp­tek­in af hefðbundnu tóm­stund­a­starfi í gegn­um tíðina og á ekki von á að það breyt­ist í bráð: „Ég er nú bara svona hefðbund­in bar­áttu­kona, alin upp í ís­lensku fiskiþorpi og við al­menn sveita­störf og er að reyna að láta gott af mér leiða, án þess að fjar­lægj­ast þær aðstæður sem ég ólst upp við og eru mér kær­ar.“

Fjöl­skylda

Börn Lilju og Hilm­ars Odds eru:
1) Jó­fríður Ósk Hilm­ars­dótt­ir, f. 20.4. 1978, viðskipta­fræðing­ur í Kópa­vogi, en börn henn­ar eru Hilm­ar Daði Magnús­son, f. 2008, og Auður Lilja Magnús­dótt­ir, f. 2011;
2) Gunn­ar Freyr Hilm­ars­son, f. 22.7. 1980, vél­virki í Kópa­vogi;
3) Ein­ar Kári Hilm­ars­son, f. 26.2. 1982, vél­stjóri í Hafnar­f­irði, og
4 ) Harpa Rún Hilm­ars­dótt­ir, f. 6.1. 1992, nemi í Reykja­vík, en maður henn­ar er Ágúst Hrafn Ágústs­son flug­virki og er dótt­ir þeirra Sól­dís Líf, f. 2016.

Systkini Lilju, sam­mæðra, eru Jóna Mar­grét Val­geirs­dótt­ir, f. 16.1. 1964, leik­skóla­kenn­ari á Suður­eyri; Fríður Bára Val­geirs­dótt­ir, f. 8.2. 1965, leik­skóla­kenn­ari í Reykja­vík; Val­ur Sæþór Val­geirs­son, f. 12.6. 1969, raf­virki á Suður­eyri; Svava Rán Val­geirs­dótt­ir, f. 27.2. 1971, leik­skóla­stjóri á Suður­eyri; Björn Ægir Val­geirs­son, f. 15.11. 1973, bók­bind­ari í Reykja­vík; Helgi Unn­ar Val­geirs­son, f. 3.3. 1976, bygg­inga­verk­fræðing­ur í Winnipeg í Kan­ada, og Kristjana Dröfn Val­geirs­dótt­ir, f. 9.9. 1983, leik­skóla­kenn­ari á Ísaf­irði.

Systkini Lilju, sam­feðra: Sig­ur­björn Sæv­ar Magnús­son, f. 26.6. 1960, sjó­maður í Ólafs­vík; Guðni Þór Magnús­son, f. 25.6. 1962, bú­sett­ur í Dan­mörku; Sína Sig­ríður Magnús­dótt­ir, f. 23.8. 1962, hús­freyja í Sand­gerði, og Bjarki Magnús­son, f. 28.3. 1971, múr­ari í Reykja­vík.

For­eldr­ar: Magnús Ein­ars Ingimars­son, f. 26.12. 1938, d. 9.7. 1997, sjó­maður, og Þóra Þórðardótt­ir, f. 6.7. 1939, kenn­ari. Fóst­urfaðir Lilju er Guðmund­ur Val­geir Hall­björns­son, f. 24.6. 1942, sjó­maður.

Morgunblaðið 24. júní 2017.