A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
Frá Dýrafirði.
Frá Dýrafirði.
« 1 af 2 »
Íbúar í Dýrafirði eru að gefast upp á ástandi vega í firðinum að sögn Ástu Kristinsdóttur, bónda að Hólum í Dýrafirði.

Ásta segir farir sínar ekki sléttar í samskiptum við Vegagerðina og aðrir íbúar á svæðinu geti tekið í sama streng. „Við erum orðin þreytt á að tala við Vegagerðina, sama hvort við erum að tala um mokstur á svæðinu, holurnar á vegunum, rykið eða hvað sem er. Við hringjum stöðugt og kvörtum og svörin eru alltaf þau sömu; að engir peningar séu til að bregðast við." 

Ásta segir íbúa á svæðinu vera að gefast upp á lélegri þjónustu Vegagerðarinnar og krefjast úrlausna. Hún segir að varla sé hægt að tala um að vegurinn frá flugvallarendanum að Sveinseyri sé fær. „Hann er varla bílum bjóðandi. Samt er bændum gert að fara um veginn til að smala fé sínu. Vegurinn er allt ekki öruggur öllum bílum," segir Ásta. 

Yfir vetrartímann gerir áætlun ráð fyrir snjómokstri þrisvar í viku og segir Ásta ótækt að bændur þurfi að bíða í nokkra sólarhringa, snjói á öðrum degi en snjómokstursdegi. Hún segist vona að á þessu verði gerðar breytingar í vetur svo íbúar í Dýrafirði þurfi ekki að hanga inni vegna þjónustuleysis Vegagerðarinnar. 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31