A A A
03.01.2017 - 06:23 | Vestfirska forlagiđ,Hallgrímur Sveinsson

Kúlubardaginn mikli: - Ný Bomba í bígerđ hjá málsmetandi mönnum

Frá Arnarfirđi. Til vinstri er Auđkúla og til hćgri er Hrafnseyri. Ljósm.: Mats Wibe Lund.
Frá Arnarfirđi. Til vinstri er Auđkúla og til hćgri er Hrafnseyri. Ljósm.: Mats Wibe Lund.

Kúlubardaginn mikli er sem kunnugt er mesta fólkorusta sem háð hefur verið á landi á Vestfjörðum á sögulegum tíma. Fóabardagi, mesta sjóorusta sem háð hefur verið við Íslandsstrendur, var náttúrlega háður á sjó á Húnaflóa og mega menn ekki rugla þessum Vestfjarðabardögum saman.

   Kúlubardaginn mikli átti sér stað á Kúluvöllum í Auðkúluhreppi þann 28. júlí 1956, fyrir rúmum 60 árum. Sem betur fór urðu engin mannvíg í þeirri orustu, en margir menn hlutu sár og urðu ákaflega móðir. Sjónarvottar og þátttakendur, sem enn eru margir ofar moldu, segja að hart hafi verið barist og ekkert gefið eftir. Sagt er að þeir séu bara farnir að vitna í þennan bardaga eins og Íslendingasögurnar í gamla daga sér til upplyftingar. Lifna allir við þegar hann berst í tal, jafnvel þó komnir séu á gamals aldur.

   Sú saga gengur nú fjöllunum hærra hér vestra, að málsmetandi menn ýmsir séu að ræða það sín á milli að gera þurfi Kúlubardaganum mikla verðug skil á nýja árinu. Þykir sumum þeirra fara vel á því, nú að aflokinni Bombu-og sprengihátíðinni miklu, að gera nú almennilega vestfirska Bombu, risaköku eða jafnvel stórtertu. Og fái hún auðvitað nafn bardagans. Vísa menn þá til Bombna eins og Örlygsstaðabardaga og jafnvel Brjánsbardaga hjá björgunarsveitunum. Er víst hugmyndin að framleiða hana í heimahéraði og hún verði þar af leiðandi vistvæn. Semsagt að ekki þurfi að flytja hana hingað frá Kína, þar sem allar vörur eru framleiddar úr kolum. Tíu milljón tonn af kolum á dag er víst skammturinn á þeim bæ segir Einar.

Verður fróðlegt að fylgjast með framvindu þessa máls. Hver veit nema hér sé vísir að framleiðslu sem Vestfirðingar geti haft lifibrauð af. En vistvæn verður hún að vera.





« Október »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör