Karlakórinn Ernir heldur vortónleika í Félagsheimilinu á Þingeyri annað kvöld, fimmtudaginn 22. apríl, kl. 20:00. Að vanda verður fjölbreytt og skemmtileg dagskrá en Guðrún Jónsdóttir, sópran, mun synja einsöng auk þriggja kórfélaga. Stjórnandi kórsins er Beata Joó og undirleikari er Margrét Gunnarsdóttir.

Þeir sem komast ekki á tónleikana annað kvöld fá tækifæri til að hlýða á kórinn í Safnaðarheimilinu í Bolungarvík föstudaginn 23. apríl kl. 20:00 eða í Ísafjarðarkirkju á sunnudaginn 25. apríl kl. 17:00.