A A A
26.08.2017 - 20:49 | Vestfirska forlagiđ,Morgunblađiđ,Hallgrímur Sveinsson,Björn Ingi Bjarnason

Illugi Gunnarsson, fyrrv. alţingismađur og ráđherra – 50 ára - Fluggreindur píanóleikari sem hćtti í pólitíkinni

Fjölskyldan. Illugi og eiginkona hans, Brynhildur Einarsdóttir menntaskólakennari, ásamt dótturinni, Guđrúnu Ínu.
Fjölskyldan. Illugi og eiginkona hans, Brynhildur Einarsdóttir menntaskólakennari, ásamt dótturinni, Guđrúnu Ínu.

Illugi fæddist á Siglufirði 26.8. 1967 og ólst þar upp. Hann var í Grunnskóla Siglufjarðar, flutti með fjölskyldunni í Hafnarfjörðinn er hann var 15 ára, lauk þar grunnskólanámi, fór í MR og brilleraði þar, m.a. í ræðukeppni MORFÍS. Hann lauk stúdentsprófi frá MA 1987, BSc.-prófi í hagfræði frá HÍ 1995, og MBA-prófi frá London Business School árið 2000.

Illugi var fimm ára er hann hóf píanónám við Tónlistarskóla Siglufjarðar. Hann stundaði píanónám um árabil, fyrst á Siglfirði og síðar við Tónlistarskólann í Reykjavík og lauk þaðan 5. stigs prófum:
„Ég get ekki neitað því að tónlistin hefur alltaf verið stór hluti af lífi mínu. Ég hlusta mikið á tónlist, við förum mjög oft á tónleika, ég spila mikið heima og er jafnvel að semja píanó- verk þegar þannig liggur á mér.“

Illugi var leiðbeinandi við Grunnskóla Flateyrar 1987-88, var í fiskvinnslu yfir sumartímann hjá Hjálmi hf á Flateyri 1983-93, var skrifstofumaður hjá Vestfirskum skelfiski á Flateyri 1995-97 og sinnti rannsóknum í fiskihagfræði við HÍ 1997-98.

Illugi var aðstoðarmaður Davíðs Oddssonar forsætisráðherra á árunum 2000-2005, og aðstoðarmaður Davíðs sem utanríkisráðherra, 2006, alþingismaður Reykjavíkurkjördæmis suður fyrir Sjálfstæðisflokkinn 2007-2009, og Reykjavíkurkjördæmis norður 2009-2016 og mennta- og menningarmálaráðherra 2013-2017.

Illugi er nú formaður Byggðastofnunnar, situr í peningamálanefnd forsætisráðuneytisins og sinnir ráðgjafastörfum.

Illugi sat í efnahags- og skattanefnd Alþingis 2007, fjárlaganefnd 2007-2009 og 2011-2012, menntamálanefnd 2007-2009, umhverfisnefnd 2007-2009, viðskiptanefnd 2010-2011, allsherjarnefnd 2010- 2011, sat í Íslandsdeild þingmannanefndar EFTA 2007-2009 og Íslandsdeild Norðurlandaráðs 2009- 2010 og 2011-2013.

Illugi sat í stjórn Vöku, félags lýðræðissinnaðra stúdenta við Há- skóla Íslands, 1989-90, var oddviti félagsins 1993-94, sat í stúdentaráði HÍ 1993-95, var fulltrúi stúdenta í háskólaráði 1993-95, formaður Heimdallar, félags ungra sjálfstæð- ismanna, 1997-98, var þingflokksformaður Sjálfstæðisflokksins 2009- 2010 og 2012-2013, sat í nefnd um eflingu græna hagkerfisins 2010- 2013 og var stjórnarformaður Sinfóníuhljómsveitar Íslands um skeið.

Illugi og Orri Hauksson sendu frá sér ritið Fiskimiðin og þjóðarheill - er auðlindaskattur æskilegur, árið 1997. Þá sendi Illugi frá sér píanó- tónlist á diski árið 2004.

Fjölskylda

Eiginkona Illuga er Brynhildur Einarsdóttir, f. 1.1. 1973, sagnfræð- ingur og menntaskólakennari.

Foreldrar hennar:
Einar Oddur Kristjánsson, f. 26.12. 1942, d. 14.7. 2007, framkvæmdastjóri Hjálms hf., formaður VSÍ og alþingismaður, og k.h., Sigrún Gerða Gísladóttir, f. 20.11. 1943, hjúkrunarfræðingur. Dóttir Illuga og Brynhildar er Guðrún Ína, f. 29.3. 2012.

Systkini Illuga eru Guðrún Sóley Gunnarsdóttir, f. 4.3. 1970, lögfræðingur; Eysteinn Orri, f. 8.3. 1981, sjúkrahúsprestur, og Styrmir Gunnarsson, f. 18.10. 1982, lögfræð- ingur.

Foreldrar Illuga:
Gunnar Rafn Sigurbjörnsson, f. 22.11. 1943, bæjarritari í Hafnarfirði og skólastjóri á Siglufirði, og Guðrún Ína Illugadóttir, f. 5.9. 1945, kennari og fyrrv. skrifstofustjóri Hafnarfjarðarhafnar.

 

Morgunblaðið.

 

 

« September »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör