A A A
16.06.2016 - 15:53 | HallgrÝmur Sveinsson,Vestfirska forlagi­

═ tilefni slßttarbyrjunar Ý Mřrahreppi: - Ůa­ er n˙ betra a­ fljˇti yfir ljßinn!

■ˇrarinn Sighvatsson ß H÷f­a.
■ˇrarinn Sighvatsson ß H÷f­a.

Nú hefur borist út um heimsbyggðina að Ómar á Ketilseyri sé búinn að slá á jörð sinni Grænanesi í Mýrahreppi. Var það mikil og góð slægja hjá kalli. Í tilefni af því er rétt að rifja hér upp eina góða af Þórarni bónda á Höfða. Hann var snillingur sagði Valdimar á Mýrum. Við tökum sterklega undir það.

 

“Þórarinn Sighvatsson bóndi á Höfða í Dýrafirði, einn af afkomendum Sighvats Grímssonar Borgfirðings, var einhver harðduglegasti bóndi á Vestfjörðum og rak stórbú á eignarjörð sinni í áratugi af mikilli hagsýni. Þórarinn var með orðheppnustu mönnum og er löngu orðinn þjóðsagnapersóna hér vestra fyrir óborganleg tilsvör sín í önn dagsins.

            Þórarinn lagði alltaf ofurkapp á að byrja snemma að slá og var löngum fyrstur manna að hefja það verk. Hann bar tilbúinn áburð á tún sín um leið og fór að grænka, „kastaði áburðinum beint í ginið á gróandanum“ eins og Halldór Pálsson búnaðarmálastjóri ráðlagði bændum að gera á sínum tíma.

            Nú bar það til eitt sumar snemma, að út barst um sveitir að þeir á Mýrum væru byrjaðir að slá. Maður nokkur færði Höfðabóndanum fréttina og kvað þannig að orði, að nú hefðu þeir Mýramenn verið á undan honum að hefja heyskap. Þórarinn varð fár við, en sagði þó að bragði:

            Þeir verða heylausir fyrir því. Það er nú betra að fljóti yfir ljáinn.”

(Sögn Mýrhreppings)

« September »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & sv÷r