A A A
  • 1954 - Henryka Biala
  • 1983 - Kristinn Már Jónsson
22.12.2008 - 00:48 | HS

Í minningu Elísar Kjaran

Elli á gömlu ”teskeiđinni” sinni. Ljósm. H. S.
Elli á gömlu ”teskeiđinni” sinni. Ljósm. H. S.
Í haust kvaddi Elís Kjaran okkur, eftir erfið veikindi og flutti sig á annað tilverustig. Var að honum mikill sjónarsviptir. Í minningu hans rifjum við upp meðfylgjandi grein úr Mannlífi og sögu fyrir vestan, en þar koma fram ýmsir af þeim góðu eðliskostum sem hann átti í ríkum mæli...

 

Jóna Jóns

Í gamla daga, þegar ég var bóndi og bjó út í sveit og frystihúsið hjá Kaupfélagi Dýrfirðinga var í fullri starfrækslu, fullt af fólki út úr dyrum að vinna. Þá var oft að við vorum sóttir, sveitavargarnir, þegar mikið barst að, til að hjálpa til við úrvinnslu. Þegar komu nýir menn í frystihúsið, voru kerlingarnar náttúrlega með augun í allar áttir, otandi hnífum að þeim, af því þær vildu fá betri egg í kutann sinn.

 

Jóna Jóns, sem var ósköp hæggerð kona og lét aldrei fara mikið fyrir sér, hún kom með hnífinn sinn og bað mig brýna. Ég gerði það auðvitað, strauk stálinu á, því mér var það ósköp létt. Svo sagði ég við hana að nú vildi ég taka gjald fyrir þetta og gjaldið frá henni ætti að vera bara ein vísa. Hún fór og sagði ekki neitt við því. En svo sendi hún mér miða sem á stóð:

 

Besta hnífabrýnsl ég tel
ber að því að hyggja.
Ef að þú gerir allt eins vel
yndi er slíkt að þiggja

Kæra þökk í ljóði legg
þó lítilsverð sé baga sú.
Ekki get ég annars egg
eins vel brýnt og hefir þú.

 

Mér þótti virkilega vænt um að fá þessar vísur frá Jónu, því hún lét aldrei fara frá sér stöku án þess hún væri vel gerð. Ég var nú einhversstaðar með hálftóman sígarettupakka í vasanum, reif hann í sundur og skrifaði á pappírinn vísu til hennar:

 

Hann er kvittur kutinn þinn
kátur mun ég þjóna.
Ef eg má í annað sinn
einhverntíma Jóna.

 

Henni þótti svo vænt um að fá þessa vísu, vissi ekki að ég fiktaði við svoleiðis, að hún gekk upp að mér á leiðinni út, faðmaði mig og spurði hvort ég ætti ekki meira af svona góðu!

 

Þess skal getið, að Jóna Jóns bjó í kjallara barnaskólans á Þingeyri á árum áður og sá um að kynda kolaofna skólans og þrífa hann. Synir hennar voru þeir Gestur heitinn Kristinsson, hreppstjóri og frammámaður á Suðureyri og Gísli skipstjóri.

« Október »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31