A A A
  • 1935 - Mary Karlsdóttir
  • 1999 - Ţóra Rún Óladóttir
18.09.2017 - 08:15 | Vestfirska forlagiđ,Hallgrímur Sveinsson,Björn Ingi Bjarnason

Í dagsins önn: - Falleg saga úr umferđinni á Ţingeyri

Kristján Gunnarsson viđ rennibekkinn í Smiđjunni. Ljósm.: H. S.
Kristján Gunnarsson viđ rennibekkinn í Smiđjunni. Ljósm.: H. S.
« 1 af 3 »

Brekkugengið (sbr. Olsen -Olsen gengið) var að aka eftir Fjarðargötunni snemma í vor. Þegar það kom á móts við brekkuna fyrir innan Skandalabrekkuna sem var, sáu þau bíl koma þar niður. Virtist hann ekki vera alveg með á nótunum og tók götuna af genginu. Var hér á ferð heiðursmaðurinn Kristján Gunnarsson í Smiðjunni. En þar sem Brekkugengið er á góðum bíl og yfirleitt með góðan bílstjóra, sem alltaf er með hugann blístrandi við aksturinn, fór hér allt vel.

Engin stórhætta á ferðum. Ekki að nefna það.

    Jæja. Svo var farið úteftir að sækja kvikmyndaleikarann. Allt í einu kemur bíll akandi og vill greinilega hafa tal af genginu. Var þar Kiddi í Smiðjunni á ferð að koma frá að fara með frúna í Föndrið. Var hann greinilega hálf miður sín og bað um gott veður. Hann hefði bara alls ekki séð Brekkujeppann. Þætti þetta mjög leiðinlegt. Það féll auðvitað allt í ljúfa löð.

   Slíkum atvikum úr umferðinni má vel halda á lofti. Að menn skuli komi og biðjast afsökunar á ekki stórvægilegri hlut er sérstakt. Nóg er um leiðindin á þeim vettvangi samt. Faðir Kristjáns, öðlingurinn og ljúfmennið Gunnar á Hofi, var einmitt formaður klúbbsins Öruggur akstur á Þingeyri á sínum tíma. Honum hefði líkað vel þessi sögulok. Enda mega afkomendur þeirra Hofshjóna ekki vamm sitt vita í neinu.


« Október »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör