A A A
  • 1902 - fćddist Halldór Laxness
  • 1950 - Ólafía Sigurjónsdóttir
  • 1965 - Kristbjörg Bjarnadóttir
  • 1989 - Harpa Sjöfn Friđfinnsdóttir
  • 1990 - Snorri Karl Birgisson
  • 1998 - Magnús Freyr Jónasson
17.07.2015 - 08:52 | Hallgrímur Sveinsson

Hvers konar rugl er ţetta?

Landspítalinn viđ Hringbraut í Reykjavík. Ljósm.: Morgunblađiđ.
Landspítalinn viđ Hringbraut í Reykjavík. Ljósm.: Morgunblađiđ.

Nú slær óhug að mörgum. Hjúkrunarkonurnar okkar ætla að flytja til Noregs eða annarra landa. Svo er verið að leggja drög að því að flytja erlendar hjúkkur inn í staðinn! Hvers konar rugl er þetta?

   Við hérna fyrir vestan erum löngu búnir að benda á færa leið í þessu máli. Hún er einfaldlega fólgin í því að kalla til hina bestu menn til að sætta þá sem berast á banaspjót. Nota þrautreynda aðferð úr Íslandssögunni: Skynsamlegar viðræður bak við tjöldin án þvingunar, dóms eða laga.  Alþingi klikkaði alveg á þessu. Bara gerðardómur. Sáttanefnd með valdheimildir við hlið sáttasemjara var vonlaus. Nú þarf svolítið lag eins og gamli Bjarni Ben. notaði á sínum tíma þegar allt var orðið vitlaust. Skyldi nafni hans og frændi vera eins lagtækur þegar á reynir?

    Hverjir eru svo þessir bestu menn? Það geta verið sjómenn, verkamenn, bændur eða prestar og aðrir háskólaborgarar. Þetta gæti orðið góð blanda til dæmis 10 manna. Auðvitað er hér átt við menn af báðum kynjum! Gamli Styrmir sagði fyrir nokkru, að hefja verði strax óformlegar viðræður við hjúkrunarfræðinga um framhaldið. Verði það ekki gert muni sárið stækka en ekki gróa. Þetta stendur enn eins og stafur á bók.   

 

Hallgrímur Sveinsson.

« Apríl »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30