A A A
  • 1935 - Soffía Einarsdóttir
19.02.2015 - 16:35 | Á vettvangi dagsins:

Hver á óveiddan fiskinn í sjónum?

Vestfirðir og Vestfjarðamið.
Vestfirðir og Vestfjarðamið.

Rússneska byltingin hefði aldrei orðið ef aðallinn hefði gefið tommu eftir. Alþýðan fengið nokkrum brauðhleifum meira til að drepast ekki úr hungri. En græðgin réði sem fyrr og síðar. Aðallinn þekkti ekki sinn vitjunartíma. Hafði hræðilegar afleiðingar fyrir alla heimsbyggðina.

   Stefán Jónsson fréttamaður segir frá ýmsum karakterum á Djúpavogi í uppvexti sínu í bókinni Að breyta fjalli. Einn þeirra var Karl Steingrímsson, alþýðuspekingur mikill. Hann sagði að allt fólkið í landinu ætti fiskimiðin og hlutdeild í aflanum. Allir þeir sem vinna við að ná honum og koma honum í verð. Karl sagði einnig að þegar menn eignuðust of mikið af peningum, þá yrði ágirndin svo mikil, að þeir réðu ekki lengur við hana. Þess vegna yrði að koma í veg fyrir að einstöku menn yrðu of ríkir. En það er nú víst hægara sagt en gert nú til dags. 

Hallgrímur Sveinsson

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31