A A A
  • 1935 - Vagna Sólveig Vagnsdóttir
23.08.2016 - 07:07 | Vestfirska forlagiđ,bb.is

Hrútadómar - Enn eitt karlavígiđ falliđ

Íslandsmeistarinn ţuklar og dćmir hrút á mótinu á helginni.
Íslandsmeistarinn ţuklar og dćmir hrút á mótinu á helginni.

Nýr Íslandsmeistari í hrútadómum var krýndur á Sauðfjársetri á Ströndum á helginni og var það jafnframt fyrsta konan sem vinnur þessa keppni. Sigurvegari og þar með Íslandsmeistari í hrútadómum er Hadda Borg Björnsdóttir á Þorpum í Tungusveit á Ströndum. Í öðru sæti varð Jón Jóhannsson úr Saurbæ í Dölum og jafnir í þriðja urðu Haraldur V.A. Jónsson á Hólmavík, Elvar Stefánsson í Bolungarvík og Kristján Albertsson á Melum í Árneshreppi.

 

Í flokki óvanra hrútaþuklara sigruðu mæðgurnar Íris Ingvarsdóttir, Fanney og Lóa, annar varð Halldór Már og í þriðja sæti voru Strandamennirnir og náttúrubarnateymið Ólöf Katrín Reynisdóttir, Marinó Helgi Sigurðsson og Þórey Dögg Ragnarsdóttir.

 

Jafnhliða hrútaþuklinu var dregið í líflambahappadrætti Sauðfjársetursins á hrútaþuklinu í gær. Vinningshafar voru allir á staðnum við útdráttinn að þessu sinni, en um 400 manns mættu á Íslandsmótið í hrútadómum. Elvar Stefánsson frá Bolungarvík vann kynbótahrút frá Mörtu og Magnúsi á Stað í Steingrímsfirði, Maríus Þorri Ólason úr Reykjavík vann kynbótahrút frá Guðbrandi á Smáhömrum, Óskar Torfason Drangsnesi fékk ásetningsgimbur frá Indriða á Skjaldfönn, Skagfirðingurinn Ólafur Sindrason vann forystulamb frá Gróustöðum. Loks urðu þau undur og stórmerki að Lára Hansdóttir á bænum Á á Skarðsströnd vann tvo vinninga, kynbótahrút frá Svanborgu og Karli á Kambi og gimbur frá Nicole og Guðjóni á Heydalsá.

 

Fleiri myndir af þessu skemmtilega móti má skoða hér


« September »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör