A A A
  • 2011 - Fríða Katla Kristensen
08.08.2016 - 08:21 | Vestfirska forlagið,Hallgrímur Sveinsson,Björn Ingi Bjarnason

Hrós dagsins: - Það fá hjónin Sigmundur F. Þórðarson og Þorbjörg Gunnarsdóttir á Þingeyri

Sigmundur F. Þórðarson.
Sigmundur F. Þórðarson.
« 1 af 2 »

Nú langar okkur að hrósa hjónakornum nokkrum á Þingeyri. Það eru þau Sigmundur F. Þórðason og Þorbjörg Gunnarsdóttir.

   Sigmundur F. Þórðarson er húsasmíðameistari og hefur rekið byggingarstarfsemi á Þingeyri í fjölda mörg ár og haft marga menn í vinnu. Lagt hönd á plóg við mörg hús bæði þar og víðar. Enda lærður hjá Gunnari Sigurðssyni, meistara og arkitekt í Hlíð. Sigmundur er einn af þeim mönnum sem lætur sér ekkert mannlegt óviðkomandi. Hann hefur verið í forsvari fyrir íþróttafélagið Höfrung svo langt aftur sem nokkur maður á Þingeyri man. Ótrúleg þrautseigja formannsins hefur oft komið æsku Þingeyrar til góða. Sjúkraflutningamaður hefur Sigmundur verið í áratugi, en það er starf sem ekki er haft hátt um að jafnaði. Auk þess hefur hann verið óþreytandi að taka þátt í alls konar félagsmálastarfi.

   Þorbjörg Gunnarsdóttir, hún Tobba okkar, stendur þétt með sínum manni og hefur stutt hann dyggilega í öllu hans félagsmálastússi. Auk þess hefur hún sjálf komið þar víða við. Á þessu ári eru 20 ár síðan Íþróttamiðstöðin á Þingeyri var tekin í notkun. Mest af þeim tíma hefur Þorbjörg veitt því fyrirtæki forstöðu. Það hefur hún gert með miklum sóma. Þegar hlutirnir ganga yfirleitt eins og af sjálfu sér í slíkum fyrirtækjum, ber það vott um að yfirstjórnin er í lagi. Forstöðukonan leysir yfirleitt öll mál með bros á vör án þess að nokkur maður taki eftir því. Agi verður að vera í hernum, sagði góði dátinn Svejk stundum. Það eru orð að sönnu. En bestur er aginn þegar enginn verður var við hann, en allt er þó undir kontról! 

« Febrúar »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör