A A A
  • 2005 - Guđmundur Brynjar Björgvinsson
08.09.2012 - 09:41 | BIB

Hofsjeppinn kominn á Hvanneyri

Hofsjeppin á hlađinu á Hvanneyri og Dýrfirđingarnir brosa breitt. F.v.: Bjarni Guđmundsson og Kristján Davíđsson.
Hofsjeppin á hlađinu á Hvanneyri og Dýrfirđingarnir brosa breitt. F.v.: Bjarni Guđmundsson og Kristján Davíđsson.

Eitt af hlutverkum safns er að segja sögur. Það má gera með ýmsum hætti. Meðal annars þeim að safnið gegni hlutverki sögugripa-hótels  þar sem hótelgestir vinna fyrir dvöl sinni með því að segja sögur...


Landbúnaðarsafnið á Hvanneyri hefur um nokkurt skeið fetað sig áfram eftir þeirri götu, varlega þó og í litlum mæli, svo sem eðilegt er.

Fyrir nokkrum dögum kom gagnmerkur Willys-jeppi í safnið til hótel-dvalar sem sögugripur.  Jeppinn kom nýr að Hofi í Dýrafirði. Árgerð 1946 er hann, og hefur verið gerður í sitt upphaflega form að öllu leiti, af miklum hagleik.

Við segjum sögu jeppans innan tíðar en það er Kristján Davíðsson sem gripinn á, dóttursonur fyrsta eigandans, Gunnars Guðmundssonar bónda á Hofi.

 

Kristján kom akandi á jeppanum að vestan, hafði sá gamli þá lagt um það bil 450 km undir hjól sín, og ekki slegið feilpúst alla leiðina. Myndin var tekin er Kristján kom í hlað á Hvanneyri. Í undirbúningi er hóteldvöl jeppans í Landbúnaðarsafni "þangað til annað verður ákveðið".

 

Hið sögulega verðmæti jeppans Í-19 liggur í því að hér er á ferð landbúnaðarjeppinn frá Willys, og því hlutverki gegndi hann einmitt á Hofi í Dýrafirði um árabil, og einmitt á mikilvægustu jeppaárunum - um miðja síðustu öld.

 

Við hlökkum til að sýna jeppann gestum safnsins.

Bjarni Guðmundsson - Landbúnaðarsafnið á Hvanneyri. 

« Október »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31