A A A
  • 1930 - ┴stvaldur Ingi Gu­mundsson
  • 1999 - Ůorlßkur Ingi Sigmarsson
07.07.2010 - 10:30 | bb.is

HlaupahßtÝ­ Ý ═safjar­arbŠ

HŠgt er a­ hlaupa 12 og 24 km Ý Vesturg÷tuhlaupinu
HŠgt er a­ hlaupa 12 og 24 km Ý Vesturg÷tuhlaupinu
Hlaupahátíð verður haldin í annað sinn í Ísafjarðarbæ og nágrenni í sumar. Halda á Óshlíðarhlaupið og Vesturgötuna sömu helgina, þ.e. þriðju helgina í júlí. Hátíðin hefst föstudaginn 16. júlí með Óshlíðarhlaupinu. Á laugardeginum verður skemmtiskokk og hjólreiðakeppni auk annarrar skemmtidagskrá á Þingeyri. Sunnudaginn 18. júlí verður svo Vesturgatan hlaupin. Hlaupadrottningin Martha Ernstsdóttir átti hugmyndina að hátíðinni í fyrra og sannfærði aðstandendur hlaupanna tveggja um að slá til. Litið er á þetta sem tilraunaverkefni til 2-3 ára, en síðan verður framhaldið ákveðið út frá reynslunni.

Óshlíðarhlaupið fer fram í 18. sinn í sumar en það hefur verið haldið samfellt frá árinu 1993. Hlaupið hefur fyrir löngu skapað sér fastan sess hjá hlaupurum á Vestfjörðum en það nýtur einnig vinsælda hjá fólki víðs vegar um land. Það er ekki að ástæðulausu en Óshlíðin er ein fallegasta og jafnframt hrikalegasta almenningshlaupaleið sem boðið er upp á hér á landi.

Vesturgötuhlaupið verður haldið fimmta árið í röð í sumar. Þar er hlaupin hin stórbrotna leið fyrir Svalvoga milli Arnarfjarðar og Dýrafjarðar, sem er ekki síður hrikaleg en Óshlíðin. Áður en Elís Kjaran gerði veginn sem hlaupið er eftir var engin vegtenging milli Lokinhamradals og þjóðvega landsins. Hlaupið er þó nefnt Vesturgatan en það nafn kom fyrst fram hjá Ólafi Erni hótelstjóra á Ísafirði seint á síðustu öld í tengslum við kynningu á leiðinni sem göngu- og hjólaleið. Heimamenn í Dýrafirði hafa einnig nefnt veginn Kjaransbraut, Elísi Kjaran heitnum til heiðurs.

Í Óshlíðarhlaupinu er hlaupið hálft maraþon frá Bolungarvík til Ísafjarðar en einnig er boðið upp á 10 km hlaup og 4 km skemmtiskokk. Í Vesturgötunni er full vegalengd 24 km en einnig er boðið upp á hálfa leiðina, 12 km.
« September »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30