A A A
  • 1965 - Sigríđur Kristín Ólafsdóttir
  • 1992 - Margrét Ástrós Gunnarsdóttir
21.12.2017 - 20:32 | Björn Ingi Bjarnason,Hallgrímur Sveinsson,Vestfirska forlagiđ

Hestamennska í skammdeginu

Miðflokkurinn, með hestinn í fararbroddi, er nú á fullu að undirbúa sveitarstjórnarkosningar í vor, eins og bb.is skýrir frá. Af því tilefni er rétt að rifja upp eina söguna í 100 Vestfirskar gamansögur, Rauða kverinu. Þar segir á launfyndinn hátt frá hestamennsku framsóknarmanna í bæjarstjórnarmálum í Ísafjarðarbæ forðum. Íslenski hesturinn kemur sífellt  á óvart.

Sigurður Sveinsson frá Góustöðum í Skutulsfirði, Siggi Sveins, var í meira en hálfa öld einn helsti burðarás Framsóknarflokksins á Ísafirði. Framsóknarflokkurinn átti um þrjátíu ára skeið einn fulltrúa í bæjarstjórninni og oft stóð tæpt með hann.

Fyrir bæjarstjórnarkosningarnar 1998 spurði Ólafur Helgi Kjartansson sýslumaður á Ísafirði Sigga, sem var bjartsýnismaður í pólitík, hvernig hann teldi að Maddömunni gengi núna í kosningunum. Siggi svarar strax að þeir muni fá einn mann kjörinn.

Efasemdar- og undrunarsvipur kom þá á sýsla og Siggi bætti við:

Okkur gengur alltaf vel og fáum alltaf einn mann kjörinn, á hverju sem gengur.

Svo fannst Sigga að sýsli efaðist enn og bætti við:

Við gætum sett hest í fyrsta sætið og fengið hann kosinn.“



« Febrúar »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör