A A A
  • 1935 - Soffía Einarsdóttir
22.02.2016 - 16:01 | Vestfirska forlagið,Emil Ragnar Hjartarson

Glórulaus búskapur að Gili

Oddur Jónsson á Gili. Ljósm.: HS
Oddur Jónsson á Gili. Ljósm.: HS
« 1 af 2 »

Innan við og niður undan Glórugili í Mýrarhreppi í Dýrafirði stóð býlið Gil. Á svipuðum stað mun áður hafa staðið hjáleiga frá Neðri Hjarðardal og hét hún Glóra. 

Minn gamli og góði vinur, Oddur Jónsson, bóndi á bænum Gili sagði að eftir að nafninu var breytt úr Glóru í Gil hafi búskapur á jörðinni verið alveg glórulaus !!!

Til er saga af Oddi bónda, hún er góð og þar með sönn samkvæmt skilgreiningu Hallgríms Sveinssonar á Þingeyri og Brekku forvígismanns Vestfirska forlagsins.

Sagt er að þegar Oddur reif af dagatalinu hafi hann ort vísu í hvert sinn , skrifað aftan á dagatalsmiðann og geymt í borðskúffu. Varð smám saman til all nokkurt vísnasafn. Þegar Oddur bjóst til mannfagnaðar í sveitinni á hann að hafa tekið handfylli úr skúffunni góðu og stungið í vasa sinn. Síðan voru miðarnir veiddir upp úr vasnum þegar við átti og vísurnar, lesnar sveitungunum á samkomunni til ánægju 

Þannig skemmtu menn hver öðrum í gamla daga og þágu ekki stórfé fyrir.

Oddur var gamansamur maður og ágætur félagi. Honum er alveg trúandi til að hafa gert þetta !!!!

 

Emil Ragnar Hjartarson
f.v. skólastjóri á Flateyri.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31