A A A
  • 1935 - Vagna Sólveig Vagnsdóttir
21.06.2016 - 12:30 | Vestfirska forlagiđ,Gistiheimiliđ á Núpi í Dýrafirđi

Gisting og ţriggja rétta kvöldverđur fyrir tvo á Núpi í Dýrafirđi - kr. 19.500

Núpur í Dýrafirđi. Ljósm.: BIB
Núpur í Dýrafirđi. Ljósm.: BIB
« 1 af 5 »
Gisting með morgunverði á Gistiheimilinu Núpi og þriggja rétta óvissu matseðill fyrir tvo á aðeins 19.500 kr. Gerðu vel við þig og elskuna þína í sumar. Gisting og góður matur á fallegum stað í Dýrafirði.

Kyrrð á heiðarvegum, grænar lyngbrekkur, fjallgönguleiðir, fossandi ár, standbjörg, söguslóðir fornkappa, sjávarþorp og yfirgefnar byggðir. Allt sem gerir vesturhluta Vestfjarðarkjálkans að svo heillandi og margbreytilegu svæði fyrir ferðamanninn er innan hæfilegrar seilingar frá gistiheimilinu á Núpi í Dýrafirði, aldagömlu höfðingjasetri í faðmi stórbrotinnar náttúru

Gistiaðstaða

Á Núpi, þar sem áður var heimavistarskóli, býðst gisting í tveimur skólabyggingum.  Um 40 herbergi eru með handlaug en deila baðherbergi.  Þá eru einnig 2 herbergi með sérbaðherbergi. Stórt tjaldsvæði er einnig á Núpi.

Þjónusta

Á gistiheimilinu er rúmgóður veitingastaður með bar. Lögð er áhersla á mat úr hráefni sem fengið er úr sveitinni og frá næstu byggðarlögum. Eldunaraðstaða í 3 eldhúsum fyrir þá gesti sem kjósa að elda mat sinn sjálfir.

Á gistiheimilinu er frítt netsamband í almenningsrými.  Næsta verslun er á Þingeyri.

Afþreying

Ævinlega er mikið líf og eitthvað um að vera á Núpi og í nágrenninu. Má nefna t.d. gönguferðir, sjóstangaveiði, hesta- og hjólaleigu og kajaksiglingar. Rétt fyrir utan Þingeyri (25 km) er góður og krefjandi 9 holu golfvöllur. Á Þingeyri er innisundlaug með heitum potti og gufubaði.  

Svæðið

Frá Núpi, við norðanverðan Dýrafjörð, eru hæfilegar dagsferðir á bíl til næstu fjarða í suðri og norðri allt til Ísafjarðar, höfuðstaðar Vestfjarða (42 km). Við suðurströnd Dýrafjarðar stendur smábærinn Þingeyri, verslunar- og þjónustumiðstöð (25 km). Þaðan er ekki langur spölur í suður yfir heiðarveg til Arnarfjarðar. Til norðurs er ekið um heiðarveg til Önundarfjarðar og þaðan um jarðgöng til Ísafjarðar.

Náttúruperlur og andblær sögunnar 

Á Hrafnseyri, um klukkustundarfjarlægð frá Núpi er safn um Jón Sigurðsson. Fossinn Dynjandi, fyrir botni Arnarfjarðar, er hrífandi náttúrusmíð og áfangastaður allra ferðamanna á þessum slóðum. Um suðurströnd Arnarfjarðar er áhugaverð ökuleið frá þorpinu Bíldudal allt út til Sauðlauksdals, við ysta haf (3-4ra tíma akstursleið). Þar er eitthvert sérstæðasta höggmyndasafn í veröldinni. Þá er gaman að aka meðfram suðurströnd Dýrafjarðar út til Haukadals um slóðir frægrar Íslendingasögu um útlagann Gísla Súrsson. Frá Ísafirði eru m.a. daglegar siglingar og skoðunarferðir til eyjunnar Vigur í Ísafjarðardjúpi.

,,Vestfirskir Alpar" og vegleysur

Fjallaskaginn, sem blasir við frá Núpi, milli Dýrafjarðar og Arnarfjarðar, 
er margbreytilegur töfraheimur fyrir göngu- og fjallafólk. Ein vinsælasta fjallgönguleiðin er á Kaldbak, hæsta fjall Vestfjarða (998 m), en hver og einn getur fundið þarna ótal gönguleiðir við sitt hæfi. Einnig má benda á gönguleið eftir vegarslóða út með norðurströnd Arnarfjarðar. Þar ríkir sérstakur andblær í hlaði á eyðibýlum í þröngum dölum. Hér var iðandi mannlíf allt fram undir miðja síðustu öld – en nú ríkir þar ljúfsár kyrrð.


Smáa Letrið

  • Gisting fyrir tvo í tveggjamanna herbergi ásamt morgunverði Herbergin eru með sameiginlegu baði.
  • Þú kaupir tilboðið á Aha.is 

    https://www.aha.is/tilbod-dagsins/gisting-og-priggja-retta-kvoldver-ur-fyrir-tvo-1

       og hringir svo og bókar gistingu í síma 456-8235 
  • Skelltu þér vestur í sumar og njóttu þeirrar náttúruperlu sem Vestfirðirnir eru. 
  • Ekki gleyma að taka inneignarmiðann með.  
  • Tilkynna þarf forföll 48 klst fyrir komu annars telst miðinn nýttur.  
  • Hótelið lokar 31. ágúst 2016.

Gildistími: 15.06.16 - 31.08.16

Heimilisfang

Núpur Gesthouse
471 Dýrafjörður
info@nupur.is

www.sveit.is/gisting/detail/836/guesthouse-nupur-i-dyrafirdi#desc

4568235

 

« September »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör