A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
Gistiheimilið Við fjörðinn er með góða aðstöðu fyrir hreyfihamlaða og leigir út íbúð þar sem sérstakt tillit er tekið til fólks í hjólastólum.
Gistiheimilið Við fjörðinn er með góða aðstöðu fyrir hreyfihamlaða og leigir út íbúð þar sem sérstakt tillit er tekið til fólks í hjólastólum.
Aðgengi fyrir fatlaða hjá stofnunum og fyrirtækjum á Vestfjörðum kallar á miklar úrbætur. Að þessu hefur Auður Ólafsdóttir, hjúkrunarfræðingur á Ísafirði, komist að við vinnu sína við úttekt á aðgengismálum fyrir hreyfihamlaða og aðra sem búa við skerta hreyfigetu í Ísafjarðarbæ, Bolungarvík, Súðavík, Hólmavík, Drangsnesi og á Reykhólum. „Aðgengið er slæmt en þó eru nokkur fyrirtæki sem bera af, þar má nefna sem dæmi útibú Sparisjóðsins á Ísafirði, Gamla gistiheimilið, sundlaugin á Drangsnesi og gistiheimilið hjá Sirrý á Þingeyri," segir Auður. Í byrjun árs skrifuðu Svæðisskrifstofa málefna fatlaðra á Vestfjörðum og Auður Ólafsdóttir, hjúkrunarfræðingur á Ísafirði undir samkomulag um úttekt á aðgengismálum fyrir hreyfihamlaða og aðra sem búa við skerta hreyfigetu og er markmið verkefnisins að koma á framfæri ábendingum til byggingarnefnda um úrbætur á sviði ferilmála.

 

Fram kemur í samningnum að mikilvægt sé að benda verslunar og þjónustuveitendum á ábyrgð þeirra, sem er að gefa öllum tækifæri á að nýta sér þjónustu þeirra. Einnig á að meta hvort að það sé ákjósanlegt fyrir fatlaða ferðamenn að heimsækja Vestfirði. „Það er margt sem þarf að bæta en alls staðar sem ég hef komið er fólk mjög viljugt að taka við ábendingum um hvað betur megi fara. Á mörgum stöðum hafa verið gerðar málamiðlanir en betur skal ef duga má. T.d. hefur sums staðar verið komið fyrir römpum en of þung hurð eða þröskuldur veldur því að einstaklingur í hjólastól kemst ekki inn þrátt fyrir rampinn."

 

Samkvæmt samningi hefur Auður heimild til að ákveða hvaða leið hún velur til að koma upplýsingum á framfæri, með myndbandi, ljósmyndum, smásögu og eða með formlegri skýrslu. Að verki loknu verða niðurstöður kynntar opinberlega en stefnt er að því að það verði í júní.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31