A A A
  • 1902 - fćddist Halldór Laxness
  • 1950 - Ólafía Sigurjónsdóttir
  • 1965 - Kristbjörg Bjarnadóttir
  • 1989 - Harpa Sjöfn Friđfinnsdóttir
  • 1990 - Snorri Karl Birgisson
  • 1998 - Magnús Freyr Jónasson
22.04.2015 - 21:44 | Gamla fréttin

Gamla fréttin 1. apríl 2008

Ali-Baba.
Ali-Baba.

Ali Baba væntanlegur til Þingeyrar

 

Hinn kunni sjónhverfingamaður og bankastjóri Sun and Moon bankans í Sameinuðu furstadæmunum, Ali Baba, er væntanlegur til Þingeyrar í dag ef veður leyfir og flogið verður til Þingeyrar. Mun hann flytja fyrirlestur í félagsheimilinu á staðnum um fjármál. Einkum leggur bankastjórinn út af hinu svokallaða Ambi Valence kerfi, en þar er m. a. útskýrt hvernig gera má mikið úr litlu eða jafnvel engu. Mun Ali Baba  útlista fyrir mönnum hvernig ein milljón króna getur ávaxtað sig upp í fimm milljónir króna á örfáum dögum, en það á einnig við um dollara, en þá verða menn að nota dollaramerkið, sem er svona eins og kunnugt er: $. Eru margir spenntir fyrir þessu og eru ýmsir jafnvel væntanlegir af höfuðborgarsvæðinu til að hlýða á hinn þekkta sjónhverfingamann og læra af honum.

   Samkvæmt tímaritinu Forbes í Bandaríkjunum hefur Ali Baba verið á listanum yfir 100 ríkustu menn heims um langa hríð. Þá er vitað að hinn kunni rannsóknarblaðamaður, X-9, sem starfaði á Morgunblaðinu lengi um og upp úr 1950, er hálfbróðir hans, en ekki er ljóst hvort hann kemur hingað vestur að þessu sinni.

   Að fyrirlestrinum loknum mun þátttakendum verða boðið upp á Milk shake frá Sameinuðu furstadæmunum, en þar eru aðal bækistöðvar Ali Baba þessi árin sem áður segir. Verður það shake með jógúrt bragði, sem hefur þá náttúru að ef menn drekka það í einhverju magni geta þeir orðið yfir 100 ára gamlir, en sjálfur er Ali Baba sagður kominn vel yfir hundraðið.

    Sem fyrr segir verður fyrirlesturinn í Félagsheimili Þingeyrar og hefst hann kl. 16,00. Allir eru velkomnir meðan húsrúm leyfir.

    Nánar í götuauglýsingum.

   
   Nefndin

« Apríl »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30