A A A
  • 1918 - Áslaug Sólbjört Jensdóttir
  • 1965 - Ţröstur Kjaran Elísson
  • 1993 - Hákon Sturla Unnsteinsson
21.07.2017 - 08:17 | Björn Ingi Bjarnason,Hallgrímur Sveinsson,Vestfirska forlagiđ

Gamla fréttin: - Á förnum vegi ađ morgni dags

Miđbćjardrengirnir Sigurđur Ţ. Gunnarsson til vinstri og Guđberg Kristján Gunnarsson til hćgri. Ljósm.: H. S.
Miđbćjardrengirnir Sigurđur Ţ. Gunnarsson til vinstri og Guđberg Kristján Gunnarsson til hćgri. Ljósm.: H. S.

Við smelltum þessari líflegu mynd af þeim Miðbæjarbræðrum, Sigurði Þ. Gunnarssyni og Guðbergi Kristjáni Gunnarssyni, eftir að þeir voru búnir að „redda“ deginum í Þingeyrarsundlaug. Þar eru þeir meðlimir í hinum ágæta morgunklúbbi, sem er eiginlega að verða landsfrægur eða þannig.

Þeir bræður eru traustir menn og áreiðanlegir, líkt og þau Miðbæjarsystkin önnur úr Haukadal. Engir oflátar eða flysjungar líkt og segir í fornum texta. Þeir eru með háskólagráðu úr Skóla lífsins, en það er nokkuð notagóður skóli sem kunnugt er, þó ekki sé hann gjaldgengur til námslána.

Siggi Þói var rafmagnsmaður megnið af starfsævi sinni. Þegar allt var í hers höndum í rafmagnsmálunum hjá okkur fyrir nokkrum árum hittust tvær húsfreyjur. Önnur þeirra tók svo til orða: Ég kvíði mest fyrir ef rafmagnið skyldi fara hjá okkur á morgun. Sagði þá hin: Það verður allt í lagi. Siggi Þói er á vakt! Segir sína sögu. Siggi Þói hreppstjóri heldur enn þeim titli hjá okkur sumum, þó löngu sé hann hættur sem slíkur. Það var nefnilega mikil eftirsjá að þeim embættum og stór spurning hvort ekki ætti hreinlega að endurreisa þau.

Stjáni hefur verið fjárbóndi í Haukadal stóran hluta ævinnar. Hann þekkir og skilur sauðkindina út og inn. Má segja að hann sé nokkurs konar arftaki hinna gömlu og góðu sauðfjárbænda, eins og Sigurjóns í Lokinhömrum og þeirra systkina Guðmundar og Sigríðar á Hrafnabjörgum. Eða Hákonar á Borg. Ekki í kot vísað. Hann á manna vænst fé hér fyrir vestan.


Þingeyrarvefurinn 18. ágúst 2015.


 

 

« Ágúst »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör