A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
« 1 af 4 »

Gamanmyndahátíð Flateyrar fór vel af stað er húsfyllir var og mikið fjör er uppistandararnir Hugleikur Dagsson og Bylgja Babýlons skemmtu á Vagninum í gærkvöldi. Í kvöld verður dagskrá hátíðarinnar þétt og væn. Hefjast leikar á hláturjóga fyrir framan kirkjuna klukkan 18, þar sem gestir geta byrjað að æfa hláturvöðvana undir handleiðslu fagmanneskju í efninu.

Klukkan 19 verða svo sýndar vestfirskar stuttmyndir í samkomuhúsinu og klukkan 21 verður heimsfrumsýnd svokölluð sing-along útgáfa af einni af ástsælustu kvikmyndum Íslandssögunnar, sjálfri Stuðmannamyndinni -Með allt á hreinu- 


Þeir eru ófáir sem ekki þurfa til samsöngsvæna útgáfu til að bresta í söng og jafnvel dans undir alkunnum slögurunum sem í myndinni óma. En í þessari nýju útgáfu er búið að setja texta við lögin, þannig að syngja má við þau ekki ósvipað og í karaoki. Leikstjóri myndarinnar Ágúst Guðmundsson verður á staðnum og segir gestum sögurnar á bak við myndina sem ekki mátti segja á sínum tíma. Kvöldið endar svo á Vagninum þar sem Jói og Balli spila inn í nóttina. 

Á morgun verður hvergi slegið slöku við í gleðinni er kvikmyndasýningar hefjast klukkan 11 að morgni í Tankinum og verða sýningar þar jafnt og þétt yfir daginn, með síðustu sýningu klukkan 21 á myndinni Landsliðið.

Svo verður blásið í sveitaballslúðrana er sjálfir Greifarnir trylla lýðinn á Vagninum. 

 

Það er Önfirðingurinn og Dýrfirðingurinn Eyþór Jóvinsson sem er í forystu fyrir "Gamanmyndahátíðinni" á Flateyri

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31