A A A
  • 1981 - Berglind Hrönn Hlynsdóttir
26.01.2015 - 11:54 | bb.is

Galdrakarlinn í Oz á Şingeyri

Leikritiğ Galdrakarlinn í Oz er án efa meğal vinsælustu barnaleikrita sem sınd hafa veriğ hér á landi.
Leikritiğ Galdrakarlinn í Oz er án efa meğal vinsælustu barnaleikrita sem sınd hafa veriğ hér á landi.

Hið 111 ára gamla, en ávallt ferska íþróttafélag, Höfrungur á Þingeyri er að hefja enn eitt ævintýrið. Nú er það leikdeild félagsins sem ætlar að spretta úr spori en hún hefur vakið mikla athygli síðustu ár, nú síðast fyrir uppsetningu á Línu Langsokk sem þótti sérlega skemmtileg og vel heppnuð. Áfram skal haldið og nú á að setja á fjalirnar annað sígilt og sívinsælt verk, nefnilega Galdrakarlinn í Oz. Æfingar hefjast 31. janúar og stefnt er að frumsýningu 21. mars í Félagsheimilinu á Þingeyri. Rétt er að geta þess að Galdrakarlinn í Oz verður einnig á fjölunum um páskana. 

Leikritið Galdrakarlinn í Oz er án efa meðal vinsælustu barnaleikrita sem sýnd hafa verið hér á landi og raunar í heiminum öllum enda er hér á ferðinni mikið ævintýri þar sem fjöldi listamanna kemur við sögu. Leikdeild Höfrungs boðar því til sérstaks kynningarfundar um þetta metnaðarfulla verkefni laugardaginn 31. janúar kl. 11 í húsi Björgunarsveitarinnar Dýra á Þingeyri. Allir áhugasamir eru hvattir til að mæta því mörg eru hlutverkin ekki bara á leiksviðinu heldur og í kringum allt ævintýrið og vantar listamenn í allar stöður, leikara, leikmyndasmiði, tæknifólk, búningahönnuði og saumafólk, ritstjóra leikskrár, auglýsingastjóra og ekki má gleyma miðasöludeildinni. 

Leikstjóri sýningarinnar er Elfar Logi Hannesson sem leikstýrði Línu Langsokk í fyrra. 

« Apríl »
S M Ş M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30