A A A
  • 1940 - Hallgrímur Sveinsson
09.11.2016 - 10:28 | Vestfirska forlagiđ,Arkitektafélag Íslands

Fyrsti arkitektinn – Rögnvaldur Ágúst Ólafsson

Húsavíkurkirkja - verk Rögnvaldar Ólafssonar.
Húsavíkurkirkja - verk Rögnvaldar Ólafssonar.
« 1 af 3 »

 

Nú í byrjun október 2016 gaf Hið íslenska bókmenntafélag út bókina  Fyrsti arkitektinn – Rögnvaldur Ágúst Ólafsson og verk hans.

Rögnvaldur Ólafsson fæddist að Ytrihúsum í Dýrafirði árið 1874, kom heim frá námi 1904 og varð ráðunautur Heimastjórnarinnarum opinberar byggingar 1906.

 

Lífsverk hans er ótrúlegt en hann starfaði aðeins í um 12 ár því hann lést úr berklum 42 ára að aldri 1917 á Vífilsstaðahæli,  sem hann hafði sjálfur teiknað og byggt. 

 

Rögnvaldur er höfundur og ábyrgðarmaður um  150 húsa ef allt er talið, bæði sem arkitekt og sem ráðunautur stjórnarinnar. Rögnvaldur teiknaði 30 kirkjur, 30 hús í Reykjavík, um 70 barnaskólahús og sitt hvað fleira.  Saga hans hefur ekki verið sögð á bók áður og hann er á vissan hátt huldumaður íslenskrar listasögu.

 

Bókin var tekin saman þegar 140 ár voru liðin frá fæðingu hans en á næsta ári verða liðin 100 ár frá láti hans árið 1917.

 

 Meðal þekktustu verka Rögnvaldar eru Hafnarfjarðarkirkja, Keflavíkurkirkja, Húsavíkurkirkja, Bændaskólarnir á Hólum og Hvanneyri, Pósthúsið í Reykjavík og mörg glæsileg íbúðarhús við Reykjavíkurtjörn. Hann teiknaði hann líka  Bíldudalskirkju og Þingeyrarkirkju. Þá teiknaði Rögnvaldur einnig Edinborgarhúsið á Ísafirði.

 

Rögnvaldur gekk í Iðnaðarmannafélag Reykjavíkur og sat sem fulltrúi þess í byggingarnefnd Reykjavíkur frá 1908 í tvö kjörtímabil. Hann samdi að líkindum lög um byggingareglugerðir sem samþykkt voru á Alþingi 1905 og samdi merka byggingasamþykkt fyrir Borgarnes árið 1914. Hann fylgdist vel með nýjum hugmyndum í skipulagsmálum og flutti erindi um „garðbæjahreyfinguna“ sem átti miklu fylgi að fagna í Evrópu í byrjun 20. aldar. Hann kenndi húsateikningu við Iðnskólann frá 1906 og sat í skólanefnd hans 1909-1916 og hann var einn af stofnendum Verkfræðinga- félags Íslands árið 1911 og ritari þess til dauðadags.

 

Bókin um Rögnvald Ólafsson og verk hans er afrakstur Björns G. Björnssonar og 20 ára áhuga hans á ævistarfi Rögnvaldar. Bókin er 240 blaðsíður með 280 ljósmyndum sem teknar voru sérstaklega fyrir bókina um land allt. Auk þess eru í bókinni yfir 100 húsateikningar og tugir annarra mynda bæði úr söfnum og einkaeign, ýmsar skrár og enskur úrdráttur.

« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör