A A A
  • 1953 - Ţorbjörn Pétursson
  • 2000 - Ţorleifur Jóhannesson
18.11.2019 - 11:50 |

Fréttir af Dýrafjarđargöngum

Baldvin Jónbjarnarson sem fer fyrir framkvæmdaeftirliti Dýrafjarðarganga sendir líkt og fyrr samantekt af því helsta sem gerst hefur í vikum 45-46 við vinnu Dýrafjarðarganga.

 

Sem fyrr var unnið við uppsetningu á einangrunarklæðingu til vatnsvarna í göngunum ásamt því að haldið var áfram að sprautusteypa yfir klæðingarnar

 

Miðvikudaginn 13. október var fjórtánda og síðasta steypufæran í vegskálanum í Arnarfirði steypt og er þá búið að steypa báða steypuskálana. Í framhaldinu verður haldið áfram með uppsteypu á tæknirýmum í göngunum. Haldið var áfram með fyllingar yfir vegskálann í Dýrafirði.

 

Í Dýrafirði var áfram unnið við niðurlögn á vegræsum og gröft á skeringum. Að auki var haldið áfram með niðurlögn á neðra burðarlagi í veginn og var keyrt í rúmlega 1 km kafla og er þá búið að setja neðra burðarlag á rúmlega 3 km kafla í Dýrafirði en vegurinn Dýrafjarðarmegin er tæplega 5 km langur auk hliðarvega.

 

Á meðfylgjandi myndum má sjá neðra burðarlag ofan á undirfyllingu, fyllingu yfir vegskálann í Dýrafirði, vinnu við skeringar í Dýrafirði, vegskálann í Arnarfirði ásamt innra mótinu fyrir utan munnann og heilklæddan kafla í göngunum tilbúinn til ásprautunar.

« Apríl »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30