A A A
  • 1935 - Soffía Einarsdóttir
24.07.2016 - 20:35 | Vestfirska forlagið,Hallgrímur Sveinsson

Fréttasyrpa úr firðinum okkar fagra

Dýrfirðingurinn Hemmi Gunn var nú ekki daglegur gestur í fjárhúsunum hér vestra. En hér er hann staddur hjá Guðrúnu vinkonu sinni á Brekku með gráa tvílembinga í fanginu. Dýrafjörður var honum heilög jörð. Ljósm. H. S.
Dýrfirðingurinn Hemmi Gunn var nú ekki daglegur gestur í fjárhúsunum hér vestra. En hér er hann staddur hjá Guðrúnu vinkonu sinni á Brekku með gráa tvílembinga í fanginu. Dýrafjörður var honum heilög jörð. Ljósm. H. S.
  1. Fyrri slætti má heita lokið hjá flestum bændum hér um slóðir. Tók bara örfáa daga með allri tækninni. Mikil og góð hey. Svo slá sumir seinni slátt. Það verður sjálfsagt fyrr en varir.
  2. Tíðarfar hefur verið með afbrigðum gott að undanförnu. Nú er það að breytast og jörðin farin að fá regn sem ekki veitir af.
  3. Þegar horft er yfir landið vekur athygli hinn sterki græni litur sem hvarvetna setur svip á landslagið. En hjalandi lækir eru fáir að sjá. Ár með allra minnsta móti.
  4. Berjaspretta virðist ætla að verða mikil í ár, bæði krækiber og aðalbláber. Nú þurfa menn bara að nýta vel slíkar Guðsgjafir.
  5. Umferðin er alveg svakaleg. Annað orð er ekki til yfir það. Ótrúlegustu farartæki á ferð. Sést hafa nýtísku húsbílar dragandi stóra kerru. Á henni er svo lítill bíll eða jeppi til skotferða.
  6. Malarvegir eru með betra móti hér um slóðir.
  7. Margir koma hjólandi og svokallaðir puttalingar frá ýmsum löndum eru daglegt brauð. 
  8. Head-pakkningin er farin í bláa bílnum hjá okkur Dúdda.
  9. Einar Bollason kom í sund í vikunni ásamt frú sinni. Enda elska þau fjörðinn sinn fagra. Sem von er. Hann kominn af sterkum dýrfirskum ættstofnum, sem réðu öllu hér í gamla daga!
  10.  Það er ekkert að frétta úr blokkinni að öðru leyti en því, að Bastían bæjarfógeti mun láta í sér heyra innan skamms.
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31