A A A
19.06.2008 - 00:30 | bb.is

Fjölmenni á Hrafnseyri

Vind lćgđi er á leiđ. Mynd: Páll Önundarson.
Vind lćgđi er á leiđ. Mynd: Páll Önundarson.
Hátíðarhöld á Hrafnseyri við Arnarfjörð gengu ljómandi vel. Mikið fjölmenni lagði leið sína á fæðingastað Jóns Sigurðssonar forseta, en talið er að á fjórða hundrað gesta hafi verið á Hrafnseyri. Dagskráin hófst á messu þar sem séra Karl Sigurbjörnsson biskup predikaði. „Kapellan var yfirfull og fólk hlustaði á messu jafnt inni sem úti", segir Valdimar Halldórsson, staðarhaldari á Hrafnseyri. „Því næst flutti Sólveig Pétursdóttir hátíðarræðu. Þar á eftir lægði vindinn svo við gátum farið með skemmtiatriðin út á pall sem áhorfendur tóku mjög vel."

Fyrstur á svið var kór Þingeyrarkirkju sem söng fjögur ættjarðarlög. Því næst stigu á stokk Þorgeir Ástvaldsson og Ragnar Bjarnason og fluttu lög eftir föður þess síðarnefnda, föðurbróður og fleiri. Hestamannafélagið Stormur bauð fólki á bak og farið var í leiki á túninu í góða veðrinu. „Dagskráin endaði með glímusýningu Harðarmanna og kvæðaupplestri. Þetta var mjög vel heppnað", segir Valdimar.

« Desember »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31