A A A
  • 1935 - Soffía Einarsdóttir
Fjallahjólreiðakeppnin um Vesturgötuna er rúmlega 55 km.
Fjallahjólreiðakeppnin um Vesturgötuna er rúmlega 55 km.

Vesturgatan - fjallahjólreiðakeppni Höfrungs (Svalvogahringurinn) verður hjóluð í fyrsta sinn þann 17. júlí 2010. Keppnin er hluti af hlaupahátíð á Vestfjörðum, en föstudaginn 16. júlí verður Óshlíðarhlaupið þreytt. Í boði er 21,1 km og 10 km. Á sunnudeginum 18. júlí verður svo Vesturgatan hlaupin, en í boði eru 24 km og 12 km.

Fjallahjólreiðakeppnin hefst á rásmarki við sundlaugina á Þingeyri og verður hjólað saman á eftir leiðsögubíl á malbiki að flugvellinum (2k) þar sem keppnin verður gefin frjáls. Leið liggur í gegnum bæjarhlaðið á Kirkjubóli, upp Kirkjubólsdal og yfir Álftamýrarheiði, tæplega 600 m hækkun, og niður Fossdal niður að sjó (Stapadal í Arnarfirði), "út fyrir nes" og þaðan eftir ýtuvegi Elíasar Kjaran inn Dýrafjörð, (um 28k á grófum malarvegi, sand- og grjótfjöru) inn að flugvellinum og frá flugvellinum um 2k á malbiki inn á Þingeyri. Mark er við sundlaugina á Þingeyri. Heildarlengd er rúmlega 55 km og heildarhækkun 1.080 m. Start og mark er við Sundlaug Þingeyrar (framan við kirkjuna á Þingeyri). Ræst verður kl. 10:00.


Skráning:

Netskráning fer fram á www.hlaup.com - fyrir kl. 12:00 þann 15. júlí.
Keppnisgjald er 2.500 kr. á mann í netskráningu. Hægt er að skrá sig á keppnisstað milli 9:00 og 10:00 á keppnisdag en athugið að skráningargjald í eftirskráningu er 5.000 kr. Innifalið í skráningargjaldi er aðgangur að sundlaug, heitum potti og gufu í Sundlaug Þingeyrar eftir keppni.


Flokkar:
Opinn flokkur karla og kvenna.


Afhending rásnúmera:
Í íþróttahúsinu/sundlauginnni á Þingeyri. Afhending opnar kl. 9:00 á keppnisdag.


Drykkjarstöðvar:

Ein drykkjarstöð verður á leiðinni, ca á hálfri leið. Boðið verður upp á orkudrykki og vatn ásamt banönum. Einnig verður boðið upp á orkudrykki, vatn og eitthvað að bíta í á marksvæðinu.


Öryggismál:
Björgunarsveit Þingeyrar er til staðar á Þingeyri í tilfelli óhappa Keppnin er haldin samkvæmt keppnisreglum Hjólreiðanefndar ÍSÍ. Keppendur eru á eigin ábyrgð í keppninni. Hjálmaskylda er í keppninni. Keppnin gefur ekki stig í stigakerfi Hjólreiðanefndar ÍSÍ.

Frá þessu er sagt á heimasíðu Íslenska fjallahjólaklúbbsins.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31