Lengst til hægri er Emil Ragnar Hjartarson á héraðsmóti að Núpi um 1980.

F.v.: Emil Ragnar Hjartarson, Flateyri, Halldór Kristjánsson, Suðureyri og Gunnar Pálsson, Suðureyri.

Héraðsmót að Núpi og sjá má hlaupabræður frá Þingeyri - syni Jónasar Ólafssonar.

Héraðsmót að Núpi og gestir eru landsliðsmenn í frjálsum íþróttum. Í hópnum lengst til hægri er Magnús Jónasson frá Þingeyri.

Jónas Ólafsson.

Jónas Ólafsson á skrifstofu sinni í Ráðhúsi Þingeyrarhrepps 3. apríl 1996.

« 1 af 6 »

Árið 1953 vann íþróttafélagið Höfrungur á Þingeyri stigakeppni héraðsmótsins á Núpi þriðja árið í röð og þar með bikar, sem keppt var um, til eignar.

Það voru systkinin á "Stöðinni" (símstöðinni) sem þar áttu mestan hlut að máli, systurnar Ólöf, María, Sigríður, Ingibjörg og bróðirinn Jónas Ólafsson sem var spretthlaupari á landsmælikvarða, vann til silfur og brons verðlauna á landsmótum UMFÍ--æfði litið,kannske ekkert, en var náttúrubarn á hlaupabrautinni.

Mínar fyrstu minningar frá héraðsmótunum tengjast nafni Jónasar. Yfirburðir hans í spretthlaupi á héraðsmótum voru miklir, við hann þýddi engum að keppa. Hann var svo seinna sveitarstjórnarmaður og sveitarstjóri á Þingeyri árum saman við góðan orðstír. Hélt tryggð við þorpið sitt alla ævi.

Jónas Ólafsson var jarðsettur í dag  (7. maí 2016).

Blessuð sé minning hans.

Á Facebook-síðu Emils Ragnars Hjartarsonar á útfarardegi Jónasar Ólafssonar þann 7. maí 2016