A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
30.07.2015 - 06:29 | Hallgrímur Sveinsson

Einn góður úr Suðurfjarðahreppi

Frá Arnarfirði. Ljósm.: Mats Wibe Lund.
Frá Arnarfirði. Ljósm.: Mats Wibe Lund.

Áróður

 

Gunnar Ólafsson á Bíldudal, sem kallaður var reddari, var um tíma verkstjóri í frystihúsinu á Bíldudal. Gunnar og æringinn Jóhannes bróðir hans voru einlægir framsóknarmenn og keyptu að sjálfsögðu Tímann. Gunnar tók upp á því, starfsfólki til ánægju, að koma með blaðið á kaffistofuna, er það hafði verið lesið á heimilinu. Annar starfsmaður á staðnum, sem var kaupandi Morgunblaðsins, gerði þá slíkt hið sama og skorti nú lítið á fréttir og frásagnir stórblaða í kaffitímum fyrir þá er áhuga höfðu á þeim efnum. Blöðin voru þá öll flokkspólitísk og fylgdi hvert með hörðum orðum sínum málstað. Þótti margt af því lesmáli hinn mesti áróður, en þó sjálfsagður, því fólk þekkti ekki annað, auk þess sem hann þótti ekki svo slæmur á meðan hann tilheyrði hægri vængnum.

         Þjóðviljakaupandi nokkur vildi ekki láta sitt eftir liggja í blaðadreifingunni og lagði fram sitt málgagn á kaffiborðið. Gunnar kom í dyrnar á hraðferð, brosandi að vanda, en snarhemlaði er hann leit hið nýja rit og brosið hvarf af andlitinu. Hann snaraðist inn og hrifsaði blaðið og hreytti úr sér:

         Engan áróður hér!


(Sögn Hafliða Magnússonar).

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31